1. Intero ya uniberso,

Jehova’y nanggawa.

Tawen tan dalin kien to ra,

amin pinawala.

Bilay tayo so inter to

lapud maar-aro.

Say galang ya kanepegan to,

iter ti ed Dios tayo.

2. Linmay Jesus dia ed Jordan

pian nabautismoan.

Diad pikakasi inkuan to:

‘Gaw’en koy linawam.’

Espirituy Dios dinmapo

sanen kaimwas to.

Diad saman nagmaliw ya Kristo,

matoor ed kimey to.

3. Wadia kami, O Jehova

pian dayewen mi ka.

Bilay mi so idedika,

dia ed sika, Ama.

Mablin dala na Anak mo,

imbayar mon dondon.

Kanian sikay panmatooran

tan lanang min aroen.