ဃု​သ့ၣ်ညါ​အါထီၣ်​ ပ​တၢ်​အိၣ်ဖှိၣ်​ရိဖှိၣ်​အဂ့ၢ်​တက့ၢ်. ဃု​တၢ်​အိၣ်ဖှိၣ်​ရိဖှိၣ်​အလီၢ်​လၢ အဘူး​ဒီး​နၤ​တက့ၢ်.

ယဟိဝၤပှၤအုၣ်အသးတဖၣ်​ မၤဝဲတၢ်အိၣ်ဖှိၣ်တနွံခံဘျီ လၢတၢ်ဘူၣ်ထီၣ်ဘါထီၣ်အဂီၢ်လီၤ. (ဧ့ၤဘြံၤ ၁၀:၂၄, ၂၅) ဖဲတၢ်အိၣ်ဖှိၣ်ပူၤန့ၣ်​ ပတဲသကိး လံာ်စီဆှံ အတၢ်သိၣ်လိတဖၣ်​ ဒီးပမၤထွဲအီၤ ကသ့ဒ်လဲၣ်အဂ့ၢ်. ပှၤဟဲထီၣ်​ ပတၢ်အိၣ်ဖှိၣ်သ့ ကိးဂၤဒဲးလီၤ.

ပတၢ်အိၣ်ဖှိၣ်​ အတၢ်ရဲၣ်တၢ်ကျဲၤအါတက့ၢ်န့ၣ်​ ပှၤဟဲထီၣ်တၢ်အိၣ်ဖှိၣ်တဖၣ်​ ပၣ်ဃုာ်သ့အဃိ လီၤဂာ်ဒီး ပှၤတဲသကိးတၢ် လၢကၠိအပူၤ. ဘၣ်ဆၣ်​ ပှၤမ့ၢ်အဲၣ်ဒိး ပၣ်ဃုာ်သ့, တအဲၣ်ဒိးပၣ်ဃုာ်ဘၣ်သ့. ပှၤစးထီၣ်​ တၢ်အိၣ်ဖှိၣ်​ ဒီးမၤကတၢၢ်အီၤလၢ တၢ်သးဝံၣ်ဒီးတၢ်ထုကဖၣ်လီၤ.

နမ့တမ့ၢ် ယဟိဝၤပှၤအုၣ်အသး သနာ်က့နဟဲထီၣ်​ ပတၢ်အိၣ်ဖှိၣ်သ့. ပကွဲမုာ်ပှၤကိးဂၤဒဲးလီၤ. တလိၣ်နဘၣ်ဟ့ၣ်​ စ့ဘၣ်. ပှၤတထၢတၢ်မၤဘူၣ်ဘၣ်.