Díí saad haʼátʼíí yeiníłtı̨́? “Łaʼ hahoodzo góneʼ badahojoobáʼíii bide áhólzinígíí, áádóó aa hwiinítʼı̨́, índa doo haada yitʼéii tʼáá naʼníleʼdii bitsʼą́ą́ʼ nahjįʼ kólyaaígíí yiniłtsą́ągo tʼáadoo bikʼee tʼóó nił ahayóí, háálá naatʼáanii danilíinii tʼah bitisgo naatʼáanii danilíinii hadabisííd, áádóó tʼáá nááná éí tʼah náábíláahgo naatʼáanii náádandlíinii hadabisííd.”—Eccl. 5:8.

Díí saad éí nihookáaʼgi naatʼáanii kódajitʼı̨́ ní. Tʼáá yédígo baa nitsáhákeesgo Jiihóvah ałdóʼ bídéétʼiʼgo átʼé. Éí binahjįʼ hadaʼííníilníi doo.

Ecclesiastes 5:8 naatʼáanii łaʼ bidineʼé doo yaa dajoobaʼ da, ní áádóó tʼáá naʼníleʼdii ádaʼjoołʼįįł. Naatʼáanii náánáłaʼ hatisdę́ę́ʼ hahasíidgo baa ákozhnízin doo. Tʼáá éí náábitisdę́ę́ʼ naatʼáanii náánáłaʼ dahonéłʼı̨́. Naatʼáanii ayóó bindaʼadloʼígíí biniinaa diné bichʼįʼ nidahwiiʼná dóó tiʼdahoonííh.

Chohooʼı̨́ ádin nahalin ndi, bílaʼashdlaʼii bá naatʼáanii dajílínígíí Jiihóvah hahasíid, éí nihił bééhózingo bee hadaʼííníilní. God bichʼįʼ dadíníitʼı̨́įʼgo nihidaʼdiiłʼáii bichʼįʼ kódeiilneʼ. (Ps. 55:22; Phil. 4:​6, 7) Nihił béédahózingo Jiihóvah éí “diné dabijéí yee hachʼįʼ tʼáá ákogi ádaatʼéii yá bidziilgo íʼdólzin doo biniyé nihokááʼgóó tʼáá átʼéé nítʼééʼ haʼasííd.”—2 Chron. 16:9.

Ecclesiastes 5:8 bikʼehgo, naatʼáanii dajílínígíí hatisdę́ę́ʼ bídahólníihii łaʼ honéłʼı̨́įgo átʼé, éí béédajilniih doo. Díí saad dah shijaaʼ baa nitsíikeesgo éí Jiihóvah tsʼídá Aláahdi Bóhólníihii nilı̨́. Kʼad éí Jiihóvah biYeʼ Jesus Christ, Naatʼáanii nilı̨́įgo biníkáádę́ę́ʼ hojooʼááł. Tʼáá ájíłtso éí Aláahgo Ayóóʼábóodziilii hahasíid, bí éí tʼáá ałtso aheełtʼéego aa joobaʼ. BiYeʼ ałdóʼ tʼáá ákótʼé.