NIHIDAʼDIIŁʼÁHÍGÍÍ ląʼí yileehgo, hání yileeh áádóó bikʼee yíníiłgo nijigháa łeh. Jiihóvah éí baa néínídzáago tʼáá aaníí níká adoolwoł. Nidaʼdiiłʼáhígíí ná hashtʼeʼ doodlííł, áko nijéí dóó nitsíníkeesgi yáʼátʼééh nídoodleeł. Ákwíindzaago Jiihóvah Yá Dahalneʼé bił Jiihóvah bá nináánaashʼaʼ doo díníízįįł. Díí tʼáá ákótʼéego, ałkʼidą́ą́ʼ oodlání Jesus yikééʼ naakai yę́ę ákódaadzaa, áko éí biniinaa yilʼaadii Peter akʼeʼashchı̨́: “Háálá dibé yóóʼahekáhígi átʼéego yóóʼahohkááh nítʼééʼ, nidi kʼad Naʼniłkaadii . . . yaa áhályáanii baa nináhisoohkai.”—1 Peter 2:25.

Jiihóvah baa néínídzáago éí tsʼídá aláahdi yáʼátʼéehii ádíínííł. Haʼátʼíísh biniinaa? Jiihóvah baa néínídzáago bijéí bił hózhǫ́ǫ ádíílííł. (Proverbs 27:11) Jó, nił bééhózin, haʼátʼíí shı̨́ı̨́ baa neidáhígíí Jiihóvah nabiiłná áko éí binahjįʼ bił hózhǫ́ doo éí doodaiiʼ doo bił hózhǫ́ǫ da doo. Jiihóvah éí ayóóʼádeínóhʼní dóó bá naʼalʼaʼ doogi, doo yínihiniłchéeh da. (Deuteronomy 30:​19, 20) Jiihóvah éí diné bídį danilínígíí dóó bééhodeesįįł danízinígíí hainitá. Jiihóvah ayóóʼííníʼníigo akʼeh hóʼı̨́įgi bee ánítʼéhígíí nihijéí hodéezyéél áyósin. Jiihóvah bijéí ałdóʼ ayóó bił hózhǫ́ǫgo ádíílííł. Tʼáadoo beełtʼéego nihił da hózhǫ́ǫ doo, Jiihóvah éí tʼáá ákónéehi deiniidlą́.—Acts 20:35; Revelation 4:11.

Tʼáá yówehgo, Jiihóvah bá naalʼaʼgo, neʼoodląʼ bee nidziil nídoodleeł. (Matthew 5:3) Haash yitʼéego neʼoodląʼ bidziil nídoodleeł? Diné daʼníłtsʼą́ą́dę́ę́ʼ haʼátʼíí lá biniinaa dahiniiʼná danízingo nitsídaakees. Jiihóvah éí bílaʼashdlaʼii díí yaa nitsídaakees doogo yee yił áyiilaa. Jiihóvah bá nideiilʼaʼgi bee hadaʼííníilníi doo biniyé ánihiilaa. Jiihóvah ayóóʼádeíníiʼníigo bá nideiilʼaʼígíí, éí bitsʼą́ą́dóó tsʼídá tʼáá íiyisíí nihił daa hwiih doo.—Psalm 63:1-5.

Tʼáásh aaníí? Tʼáá shǫǫdí díí baa ákonínízin, Jiihóvah éí shaa nánídáah nóʼní. Baa nitsíníkees: Díí naaltsoos yéego bá sohodizingo hazhóʼó bee hadilyaa. Náánitsáhákeesgo shı̨́ı̨́ díí łaʼ oodlání alą́ąjįʼ naazíinii doodaiiʼ náánáłaʼ oodlání naa níyáago néíníłtsóóz. Áko díí yíníłtaʼgo nidiisʼnááʼ áádóó nił chíʼyizʼáanii baa ahééh ninzı̨́ı̨́ʼ. Díí tʼáá átʼé bee bééhózin, Jiihóvah tʼah doo naa yoonéeh da, tʼahdii nénálniih. Ákondi, hojoobaʼ bee tʼáá áhánígóó Diyin God bichʼįʼ ninádíídááł.—John 6:44.

Ayóó baa chánah ídlı̨́, Jiihóvah yitsʼá dahidineeskaahígíí tsʼídá doo yaa yoonah da. Díí łaʼ Donna jolyéego tʼáá íiyisíí yaa ahééh niizı̨́ı̨́ʼ. Ńtʼééʼ ájíní: “Jiihóvah bí naʼnitin tʼáá hazhóʼógo bitsʼá níyá, ákondi Psalm 139:​23, 24 tʼáá baa nitsískees ńtʼééʼ, éí kóní: ‘Diyin God nílíinii, nashíłkaahígíí bee shijéí átʼéii nił bééhoozı̨́ı̨́ʼ! Shínítááhgo shintsíkees átʼéii nił bééhoozı̨́ı̨́ʼ! Doo yáʼáshóonii daatsʼí łaʼ shiyiʼdi hólǫ́ǫgo nił bééhodoozįįł, áádóó hoolʼáágóó áhootʼéégóó shá yínááł!’ Shił bééhózingo éí diné Jiihóvah doo yee dahósinii, tsʼídá doo bił áhídadíʼneshnáa da. Áko bitah deeshááłígíí doo íínísin da, áádóó Jiihóvah bidineʼé bitah honishłǫ́ǫgo tʼéiyá shił yáʼátʼééh. Jiihóvah doo yóóʼashidííʼą́ą da lágo baa ákoniizı̨́ı̨́ʼ, tʼáá shí náʼooshkąąhgo baa nídeeshdáałgo shá ahóótʼiʼ. Tʼáá ákónéehee ákwíisdzaa, kʼad éí tʼáá íiyisí yéigo baa shił hózhǫ́.”

Tʼáá aaníí náántsáhákeesgo sodizin ádaalyaa, Jiihóvah baa néínídzááʼígíí aláahdi baa nił hózhǫ́ǫ doo. Áko éí ‘Jiihóvah bibee ił hózhóonii’ nił hólǫ́ǫ doo. (Nehemiah 8:10) Tʼáá ákónéehee Jiihóvah baa néínídzáa doo.