Jiihóvah éí God bił hózhóonii nilı̨́, éí nizhónígo haneʼígíí bitsʼą́ą́dę́ę́ʼ, áko bí éí hooghan hazʼą́ągi bił dahózhǫ́ǫ doogo yá yinízin. (Zephaniah 3:17) Ílı̨́įgo ahéʼéskéhígíí éí God bitsʼą́ą́dóó háátʼiʼ. Ílı̨́įgo ahéʼéskéhígíí hólǫ́ǫgo tʼéiyá hooghan hazʼą́ągi ił dahózhǫ́ǫ doo, dóó ákwii hółdzilgo hazʼą́ągo áłchíní dadínóoyééł. Oodlání jílı̨́įgo kéyah biiʼ kééhojitʼínígi bibee hazʼáanii kʼehgo binahjįʼ ílı̨́įgo ahéʼéskéhígíí beʼjidoolííł.​—Luke 2:1, 4, 5 yííníłtaʼ.

Ílı̨́įgo ahéʼéskéhígíí God haitʼéego yaa nitsíkees? Díí hastiin dóó asdzání tsʼídá doo ałtsʼáázhdooʼash da nízin. Jiihóvah éí ahastiin dóó eʼasdzą́ą́ doo ahidiʼdoolohgóó yá yinízin. (Hebrews 13:4) Ałtsʼáʼítʼaash yijoołxá. (Malachi 2:16) Ndi oodlání ałtsʼáʼítʼaash dóó níʼdooʼgehgo tʼáá yá hasʼą́ ndi éí haaʼdoolyáago tʼéiyá náázhʼdooʼgeh.​—Matthew 19:3-6, 9 yííníłtaʼ.

Jiihóvah ílı̨́įgo ahéʼéskéegi hastiin dóó asdzáán ahidiníłnáago áká ináhoʼnilchééh doo biniyé áyiilaa. (Genesis 2:18) Ahastiin atsiiʼ jílı̨́įgo hąąh siláhígíí, naanish hweʼasdzą́ą́ dóó haʼáłchíní tʼáá ákónéehee bee iinánígíí bájisłáa doo, áádóó ałdóʼ God bee najinitin doo. Ahastiin éí beʼayóíʼíʼóʼní doo yaa yisteeʼgóó beʼasdzą́ą́ ayóíʼáyóʼníi doo. Ahastiin dóó eʼasdzą́ą́ ayóíʼáhizhdóʼníi doo, dóó ahaa jistiʼ doo. Tʼááʼałtso ahastiin dóó eʼasdzą́ą́ dajílínígíí éí nidaʼjiisííh, áko ałhaa nináhazhdiitʼaahgo tʼéiyá hoł hózhǫ́ǫgo ahíjískée doo.​—Ephesians 4:31, 32; 5:22-25, 33; 1 Peter 3:7 yííníłtaʼ.

Ílı̨́įgo ahéʼéskéhígíí nihitsʼą́ą́ʼ bichʼįʼ anáhóótʼiʼ yileehgo, tʼáá ánóhła ayóíʼóʼóʼní bee ahidiníłnáago binaałnishgo hashtʼedoołííł. (1 Corinthians 13:4, 5) Diyin God Bizaad kóní, ílı̨́įgo  ahéʼéskéhígi ańdáhaaztʼiʼ yileehgo ałtsʼaanjitʼaashgo doo hashtʼéiidoodlíił da.​—1 Corinthians 7:10-13 yííníłtaʼ.

Jiihóvah nił hózhǫ́ǫ doo nízin. Bí éí aláahdi yáʼátʼéehgo naʼnitinígíí ná yisłá áko bee haitʼéego nooséłí nilı̨́įgo nił hózhǫ́ǫ doo. Nizhéʼé dóó nimá bihódzą́ dóó biʼéʼélʼįʼígíí níkáʼadoolwołgo nóʼní. (Colossians 3:20) Áádóó Ániilaaígíí dóó biYeʼ nił hózhǫ́ǫgo bá éʼéłʼı̨́įgo nił bééhódoozįįł ałdóʼ nóʼní.​—Ecclesiastes 11:9–12:1; Matthew 19:13-15; 21:15, 16 yííníłtaʼ.

Azhéʼé dóó amá nihaʼáłchíní bikʼinaałdzilgo díí bá nisoołá doo: chʼiyáán, ééʼ dóó hooghan. (1 Timothy 5:8) Nihaʼáłchíní ił hózhǫ́ yikʼídoogáałgo éí díí God ayóíʼádayóʼníigo bee nidanohtin, dóó God yitsʼą́ą́dóó ídahodoołʼááł. (Ephesians 6:4) Tʼáá nihí nahaʼáłchíní binááł God ayóíʼíínóhʼníigo éí yéigo bijéí deediyoołnááł. Diyin God Bizaad biiʼdóó nihaʼáłchíní nanohtingo bińtsékees niłdzilgo ádoołííł.​—Deuteronomy 6:6, 7; Proverbs 22:6 yííníłtaʼ.

Áłchíní tʼáadoo leʼé bá bízhnéedlı̨́įgo dóó baa hojiniihgo yee haʼólní. Áádóó ałdóʼ hashtʼeʼ ninádahodlóós, dóó hazhóʼó naʼnitin bee bichʼįʼ yátiʼígíí deinízin. Ákótʼéego naʼnitinígíí doo áháyą́ yá yichʼą́ą́h naaghá. (Proverbs 29:15) Ákondi, áháchįʼ dóó tʼáá naʼníleʼdii doo áłchíní bee bichʼįʼ yáʼátiʼ da.​—Colossians 3:21 yííníłtaʼ.

Azhéʼé dóó amá dóó áłchíní bíkáʼaʼdoowoł biniyé Jiihóvah Yá Dahalneʼé naaltsoos bá ádeeyiilaa. Díí naaltsoos éí Diyin God Bizaad binahjįʼ ádaalyaa.​—Psalm 19:8, 11 yííníłtaʼ.