“God . . . Dabinákʼeeshtoʼ tʼáá ałtso yá yidootʼoł, aniné ádin doo, áádóó atínáhodinidleeh ádin doo, cha ádin doo índa adiniih ádin doo. . . ”—Revelation 21:3, 4, Diyin God Bizaad (Navajo Revised).

Nihichʼįʼ nidahwiiʼnánígíí éí tʼááʼaaníigo doo God bitsʼą́ą́dę́ę́ʼ da.—James 1:13.

Nihichʼįʼ nidahwiiʼnáago God éí ádaniitʼéhígi tʼáá átʼé bił bééhózin áko binahjįʼ hadaʼííníilní.—Zechariah 2:8.

Nihichʼįʼ nidahwiiʼnánígíí tʼááʼaaníí ndootʼihgo bíká nihił chodahooʼı̨́.—Psalm 37:9-11.

Aooʼ, kǫ́ǫ́ łaʼ binahjįʼ deidiidląął:

• Doo ákótʼéego ádaʼałʼínígíí dóó achʼįʼ nahwiiʼnánígíí God yijoołxá. Jiihóvah God ałkʼidą́ą́ʼ bidineʼé yę́ę doo tsʼííd bee atídabiʼdiilyaago baa dahóoneʼígíí, éí Jiihóvah haitʼéego biʼdiiłʼáá ńtʼééʼígíí baa nitsíníkees. Diyin God Bizaad ání “hódaʼatsʼihgo bikʼee tiʼdahojiyoozniiʼ,” díí biniinaa Jiihóvah yikʼee yínííł nilı̨́ı̨́ ńtʼééʼ.—Judges 2:18.

  Diné nááná łahjįʼ atííłʼínígíí God tʼáá íiyisíí doo bił yáʼátʼéeh da. Diyin God Bizaad kǫ́ǫ́ łaʼ yaa chʼíhoníʼą́, łaʼ da “tʼáadoo átʼehígóó naagháii neiłtsxeedgo bidił dahidinéehii,” éí ákódaatʼínígíí God yijoołxáago doo yíłdin da.—Proverbs 6:16, 17.

• Tʼáá łáʼí niitínígo God nihaa aʼááh nízin. Diné tʼáá łáʼí nítínígo “tʼáá bí yikʼee tiʼdahooníihii áádóó yaa yiiníił danilíinii” yee ádaa ákódanízin, Jiihóvah ałdóʼ éí yaa ákonízin!—2 Chronicles 6:29, 30.

God biNahatʼaʼ bee, tʼáá łáʼí niitínígo haʼátʼííshı̨́ı̨́ bee nihichʼįʼ nidahwiiʼnánígíí Jiihóvah íidoołdįįłjįʼ bichʼįʼ hoolzhish. (Matthew 6:9, 10) Áko kʼad éí tʼóó bibaʼ ádaniitʼéego, Jiihóvah éí háíshı̨́ı̨́ íiyisíí hachʼįʼ dadéezʼı̨́ı̨́ʼígíí baa jijoobaʼgo yee hadaʼólní.—Acts 17:27; 2 Corinthians 1:3, 4.