Mo reya re kwisisa mekgwa ya motho, re thogo mo tšiba gabutši motho yene ke mokane ra ba le senghana sa go tiya naye. Di fo tshwana le mo re tšiba mekgwa ya Jehova, re nyoko mo tšiba gore ke motho wa mošaga mang ke mokane tsotsone dya maka gore re be le senghana sa go tiya naye. Ga mekgwa ya Modimo ya go bafala, go na le kanne ya go yi phala, ke yowa: matšhika yage, ka mokgo a hlalefiyeng, go loka gage le gore wa nyakanana.

“Wene Jehova Morena wa Malenghelengheng! O makiye magedimo le lefase ka matšhika yago ya magolo.”—JEREMIYA 32:17.

Dilo tso Modimo a di makiyeng ke tsona di šupetsang gore o na le matšhika. Mo re beyisa, mo o yema ka tawong ku letšatšing, o kwa ying mo letlalong lago? O kwa le belabela akere. Gabutšibutši so o se kwang ke matšhika ya Jehova. Letšatši le fisa go segela kaye? Ba re ku gare ga lona le fisa go segela gana hala ga 15 000 000°C. Letšatši le ntsha matšhika ya go lekana le ya makgolokgolo ya dimiliyoni tsa dibhomo tsa nuclear, mo di thunya ka sekondi ye nngwana le ye nngwana.

Mara lefase lo la rune ke le lenyana ka matla mo re le beya le dinanedi tsa go tlala tsa gore di gona. Ba tsa sayense ba nagana gore nanedi ye kgolo yo ba reng ke UY Scuti ke ye kgolo ka matla tsa gore mo yi ka dula mo go duleng letšatši yi ka kogela lefase go segela ka ku ga Jupiter. Nakwenngwana tsotsone di ka re gelepa gore re kwisise mantsu ya Jeremiya gabutši, ya gore Jehova Modimo o makiye magedimo le lefase le dilo ka mokana ga tsona ka matšhika yage.

Matšhika ya Modimo ma re berekela byang? Dilo tso Modimo a di makiyeng tsa go tshwana le letšatši le tso di melang mo lefaseng di re gelepa gore re phele. Fote Modimo o berekisa matšhika yage ga motho ye mongwana le ye mongwana. Byang mara? Ka dinako tsa mapostola, Modimo o yye a neya Jeso matšhika ya go maka mehlolo. Re bala gore: “Ba go popela maahlo ba šele baa bona, digole di ya sepela, ba go ba le bolwele bya go jega dinama byo ba reng ke lephera baa yalafiwa, ba go sa kwe ba šele baa kwa, bo ba hlokofeleng baa tsusiwa.” (Matewu 11:5) Lekgono ge? Bhayibele yi re: “O tiyisa bo ba lelemelang.” Fote yi re: “Bo ba tshepiyeng Jehova ba nyoko tiyelela.” (Jesaya 40:29, 31) Modimo fote o re neya “matšhika ya gore a maa tlwayelega” gore re thogo tiyisela tso re ghulanang natso mo re kene re phela. (2 Makorente 4:7) A re kamake gore le wene wa di nyaka go ba le senghana sa thina le Modimo wa gore o nyaka go berekisa matšhika yage ya magolo go re gelepa.

“Wene Jehova, tso o di makiyeng di tlele ka matla! Ka mokana ga tsona di šupetsa gore o hlalefiye.”—PISALEMA 104:24.

Re šala re yahlamme mo re kene re tšhuta ka dilo tso Modimo a di makiyeng. Gabutšibutši, bo ba go tšhutela tso tsa hlago kela ba go maka dilo ba kopa ga hlago, ba lebelela ga tso Jehova a di makiyeng ke mokane ba berekisa tse dingwana tsa tsona gore ba make dilo tsa bona, gore di be kawone. Ba kopisa dilo tsa gore di lula mo ba maka dilo tsa go mamaretsa le dilo tse dikgolo tsa go tshwana le dielebhreyi.

Selo sa go napa se šupetsa gore Modimo o hlalefiye ke mmele wa motho. O fo nagana gore ngwana o makega byang. Mo motho a yima, go thomisa go le se senyana. Ka nthago go thomisa go ba le mašapo, ditšhika, letlalo le tse dingwana. Se sengwana le se sengwana se makega ka nako ya gona. Ke mokane ka nthago ga nkokwane ya dikgwedi, ngwana wa gore o šele a felegelele wa belegiwa. Dilo tso ka mokana ga tsona di maka gore ba go tlala ba dumele mantsu ya ye mongwana wa gore o ngwadiye Bhayibele mo a re: “Ke ya go thanaka ka gore o mmakiye ka mokgwa wa go makatsa ka matla.”—Pisalema 139:14

Taba ya gore Modimo o hlalefiye yi re berekela byang? Ye a re makiyeng wa di tšiba gore re nyaka ying gore re jabole. Ka taba la gore o tšiba dilo fote wa kwisisa, o re botsa tso di ka re gelepang ka Lentsung lage Bhayibele. Mo re beyisa, yi re botsa gore: “Ariyeneng mahlong le . . . tshwarelana le sa kokole.” (Makolosi 3:13) Ayitsano taba yone ya bereka? Eya. Ditogotela di krayye gore mo motho a tshwarela ba bangwana o yetsela boroko fote le madi yage ma sepela gabutši. Fote di ka gelepa gore a sa kene ke bolwele bya go kgahleletsega le gore a sa kene ke malwele ya mangwana. Modimo o tshwana le monghana wa go hlalefa wa gore fote wa tihlupa ka rune, aa lisetse go re botsa tsa gore di nyoko re gelepa. (2 Thimothi 3:16, 17) Nje wene a wo di nyake go ba le monghana wa mošaga wone?

“Jehova o kwana le tsa go loka.”—PISALEMA 37:28.

Modimo o dula a maka tsa go loka. Gabutšibutši ‘Modimo a di mo tshwanele go maka tsa go befa, yene wa Matšhika ka Moka a di mo tshwanele go maka tsa go sa loka.’ (Jobo 34:10) Jehova o yahlula gabutši, mopisalema o mo thanakiye ka gore: “Wene o nyoko yahlula batho ka go loka.” (Pisalema 67:4) Ka gore Jehova o “bona pelo ya motho,” aa tshokanyi ke motho wa go timakisa, o dula a bona sa gore ke sona ke mokane a yahlula gabutši. (1 Samuwele 16:7) Go tokegela gana hone, Modimo wa di bona tso batho ba di makang tsa gore a di ya loka tsa gore fote di na le bošakašakane, fote o re tshepisiye gore go se botala “batho ba dipelo tse diphifadu . . . o nyoko fetsa ka bona.”—Diyema 2:22.

Mara a di rele gore Modimo o yahlula ka lešidi le gore o kwana le go wolola batho. Mo di nyaka gore a kwelane go baba, wa di maka tsotsone. Bhayibele yi re: “Jehova o kwelana go baba,” o kwela le batho ba go sa loka mo ba sokologa. A yi gona go loka tsotsone?—Pisalema 103:8; 2 Petro 3:9.

Taba ya gore Modimo o lukiye yi re berekela byang? Petro wa lepostola o yitseri: “Byalo ke ya di kwisisa gore Modimo aa hlawole motho, mara o yamogela motho wa setšhaba se sengwana le se sengwana, wa gore wa mo hlompa fote o maka dilo gabutši.” (Mebereko 10:34, 35) Taba ya gore Modimo o lukiye ya re berekela ka taba la gore aa hlawole motho kela go tseya ba bangwana ba phala ba bangwana. Modimo o yamogela ye mongwana le ye mongwana gore a mmerekele, aa libelele gore ke ye mo byang, ke wa setšhaba se feng, o tšhutegiye go segela kaye kela gore o ghannye go segela kaye.

Modimo o re neyye lekwalo ka taba la gore o nyaka re kwisise taba ya gore o lukiye fote yi re berekele. Bhayibele yi hlatolla lekwalo go le molawo wa gore wo ‘ka ho dipelong’ tsa rune ‘wa go re šupetsa’ gore re thogo tšiba sa gore se lukiye le sa gore a se ya loka. (Maroma 2:15) Di re gelepa ka ying? Mo lekwalo la rune le lokotšiwwe gabutši, le ka re gelepa gore re kganele kgole le dilo tsa gore a di ya loka kela tsa gore di ka re kwaletsa. Fote mo re ka sinya, lekwalo la rune le ka re gelepa gore re tisole fote re lukise mo re sinnyeng. Mo re kwisisa ka mokgo Modimo a tshwarang ba bangwana, tsotsone di nyoko re gelepa gore re nape re ba thina naye.

“Modimo ke yene tšhiko ya go nyakanana.”—1 JOHANE 4:8.

Re kgona go bona gore Modimo o na le matšhika, o hlalefiye fote o lukiye, mara Bhayibele a yi hlayi gore Modimo ke matšhika, kela gore Modimo ke go hlalefa kela gore Modimo ke go loka. Mara yi fore ke tšhiko ya go nyakanana. Ke ntaba yi re yano? Ka taba la gore ke nnete gore Modimo o berekisa matšhika yage mo a maka dilo, ke mokane taba ya gore o lukiye fote o hlalefiye ke yona yi mo yetetsang. Mara taba ya gore Jehova wa nyakanana ke yona yi mo hlohletselang gore a make se sengwana. Gabutšibutši yi mo kutšetsela ga selo se sengwana le se sengwana so a se makang.

Le mo Modimo a sa gayele selo, taba ya gore wa nyakanana yi mo tšhofiye gore a make mangeloyi le batho, ba gore baa tikwisa ka taba la gore wa ba nyaka fote wa ba pasopa. O šupetsiye gore wa naganelana mo a maka lefase gore go be legaye la gabutši la batho. Fote o ya mahlong a šupetsa batho ka mokana ga bona gore wa ba nyaka “ka taba la gore letšatši lage le hlabela batho ba go sa loka le ba go loka fote o ba nisela pula.”—Matewu 5:45.

Go tokegela gana hone, “Jehova o kwelana go baba fote o nyakanana ka matla.” (Jakobo 5:11) O šupetsa bo ba gore ba liketsa go mo tšiba le go šutela thina naye gore wa ba nyaka. Modimo o tseyela gedimo ye mongwana le ye mongwana wa bona. Gabutšibutši, ‘wa tihlupa ka wene.’—1 Petro 5:7.

Taba ya gore Modimo o re nyaka ka matla yi re berekela byang? Re jabodisa ke go bona letšatši le dikela. Di ya re jabodisa mo re kwa sengwananyana se tshegelela. Fote re ya jabola mo ye mongwana ka ho mutšing a šupetsa gore wa re nyaka. Dilo tsowa a go nape go ba tsa gore re ya di hloka mara di maka gore lephelo la rune le jabodise.

Se sengwana sa go šupetsa gore Modimo wa re nyaka ke gore re kgona go mo rapela. Bhayibele yi re: “Le sa šekele ka selo mara tso le di nyakang le di kgopele ga Modimo ka go rapela le kene le šwennye fote le leboga.” Go fo tshwana le papa wa go nyaka bana bage, Modimo le yene o nyaka re mmotsa se sengwana le se sengwana so se re hlupang. Byalo, Jehova wa gore wa nyakanana o tshepisa gore “o nyoko maka gore le bebe, batho ba bangwana ba šala ba sa kwisisi.”—Mafilipi 4:6, 7.

Ayitsano mekgwa ya Modimo yo re bolabodiyeng ka yona ya go tshwana le gore o na le matšhika, o hlalefiye, o lukiye fote wa nyakanana yi go gelepiye gore o kgone go bona gore Modimo ke wa mošaga mang? Gore o thogo tšiba ka Modimo, re kgopela gore o tšhute ka tso Modimo a go makeleng tsona le tsa gore o sa nyoko go makela tsona.