Lentsu la Sepulana la gore “amene” le rela gore “go be ka mokgonone,” kela “nnete go sone.” Le tšwa ga lentsu la Seheberu la gore le rela gore “tshepega.” Ke mo ba fela ba le berekisa mo motho a seka kgorong. Mo motho a le gana hone kgorong ke mokane ba mo makisiye moyano, ke mo a bolabola mantsu ya gore “amene” go tiyisa taba yo a yi bolabolang le gore o tikemisele go yamogela selo se sengwana le se sengwana so se ka fo makegang ka nthago ga tso a di bolabodiyeng. (Dip. 5:22) Mo a hlaya tsotsone a le mahlong ga batho, ke mo a napa a tikwa di mo tlema go maka ka mokgo a tshepisiyeng ka gona.—Neh. 5:13.

Mošupetso wa go jabodisa ka matla wa ka mokgo “amene” yi berekisiwang ka gona ke wo wo leng ga Dotoronoma tema 27. Ka nthago ga gore Maisrayele ma kene ga Naga yo yi Tshepisiwweng, ma yye ma gahlana ga Thaba ya Ebala le Thaba ya Gerizima gore ba kwe mo go badiwa molawo. Ke mo ba yye go ye theetsela molawo le go bolabola gore baa wo yamogela Molawo wone. Ba yye ba re “Amene!” mo ba ba balela tso di nyoko makegang mo ba ka sa kwe so molawo wo se bolabolang. (Dot. 27:15-26) Nagana nje gore go yye gwa kwagala byang mo makgolokgolo ya banna, basadi le bana ka mokana ga bona ba yahlamela ba re amene! (Još. 8:30-35) Nnete mantsu wone ba ma bolabodiyeng ka letšatši lone a baa ma lebala. Fote Maisrayele yane ma yye ma fo maka ka mokgo ma bolabodiyeng, ka gore Baebele yi re: ‘Maisrayele ma yye mahlong ma berekela Jehova matšatši ka moka ya dinako tsa Jošuwa le ka nthago ga mo Jošuwa a šele a kgwile ka dinako tsa bagolo ba Israyele, ba gore ke mo ba tšiba dilo ka mokana ga tsona tso Jehova a di makeleng Maisrayele.’—Još. 24:31.

Jeso le yene o yye a berekisa lentsu lowa la gore “amene” ka mokgwa wo mongwana wa go hlawolega, go šupetsa gore tso ne a di bolabola ke mo go  le nnete. Lentsu lowa la “amene” (la gore ka Sepulana le hlatodiwwe go le “nnete”) o yye a thomisa ka lona mo a bolabola go šupetsa gore so a nyoko se bolabolang wa resa. Ka dinako tse dingwana, ke mo a boyelela lentsu lowa gabedi, a re “amene, amene.” (Mat. 5:18; Joh. 1:51) O yye a tshepisa bo ne a bolabola nabo gore tso a di bolabolang ke nnete. Jeso o yye a bolabola a sa kamake ka taba la gore ke yene ye ne a hlawodiwwe gore tso Modimo a di tshepisiyeng di makege ka yene.—2 Makor. 1:20; Kut. 3:14.

Maisrayele le wona ma yye ma berekisa lentsu lowa la gore “amene” mo ma rapela Jehova le go mo thanaka. (Neh. 8:6; Pis. 41:13) Mo batho ba šinya ba bolabola lentsu lone ka nthago ga morapelo, ba šupetsa gore tso di bolabodiwang hone ba kwana natso. Ka mokgonone ke mo ba šupetsa gore ba tšhela letsogo ga taba yone ya go thanaka Modimo ba jabodiye. Go makegiye ka mokgonone nakwela Kgoši Dafita a leya Areka ya Jehova ku Jerusalema. Ka nthago ba yye ba ba le monyanya, ke mokane mo ba kene ba hlakela, Dafita o yye a maka nkare wa yepelela mara gabutšibutši a rapela di mmaba ka mokgo go ngwadiwweng ga 1 Dikoronika 16:8-36. Bo ne ba le gona ba yye ba tikisa ke mantsu yane yage, ‘batho ka mokana ga bona ba šinya ba re ‘Amene!’ ke mokane ba thanaka Jehova.’ Mantsu ya bona mo ba gahlanne ma yye ma maka gore letšatši lone le jabodise ka matla.

Makreste ya dinakong tsa mapostola le wona ma yye ma berekisa lentsu lowa la gore “amene’ mo ma rapela Jehova. Bo ba ngwadiyeng Baebele le bona ke mo ba le tšhela ga go tlalanyana mo ba ngwala mangwalo. (Maroma 1:25; 16:27;1 Pet. 4:11) Puku ya Kutullo yi bolabola ka mangeloyi ya ku legedimong mo ma thanaka Jehova ma re: “Amene!” Thanaka Jah!” (Kut. 19:1, 4) Makreste ya ku botala ga go tlala ke mo mare “amene” mafelelong ga morapelo mo go rapediwa megahlanong. (1 Makor. 14:16) Mara ke mo ba sa fo re “amene” nje motho a sa nagana kela go fo makela moyano.

Re šele re tšhutiye gore malata ya Jehova ke mo ma le berekisa byang lentsu lowa la gore “amene”, byalo re thogo di bona gore ke ntaba lekgono re le  berekisa mo re rapela. Mo re re “amene” mo re fetsa go rapela, re šupetsa gore tso re di bolabolang ke nnete. Fote mo re šinya re re “amene” mo go rapediwa re gahlanne le batho ba bangwana, re šupetsa gore re yema natso tso di bolabodiwweng. Bona tse dingwana fote tso di makang gore re šinye re re “amene.”

Mo ye mongwana a rapela re ya theetsela ka taba la gore sosone se šupetsa gore ke rune malata ya Jehova. Mo re rapela re šupetsa gore re hlompa Jehova ka tso re di hlayang mone thapelong le ka mokgo re titshwarang ka gona. Ka taba la gore re nyaka go ba re resa mo re re “amene,” byalo re leketsa go lebelela dilo gabutši le go sa lesetse menagano ya rune yi yinghayingha go gongwana mo go kene go rapediwa.

Yi maka gore re mamarelane. Morapelo wa mo re gahlanne wo maka gore re nagane dilo tsa go tshwana ka mokana ga rune re le phutego. (Meber. 1:14; 12:5) Mo re gahlanne ka mokana ga rune le magageru ke mokane go kwala “amene” magahla, re napa re mamarelana re ba selo ka seteya. Kela re maka gore “amene’ re rasa kela re makela ka ho pelong, so se šalang ke gore taba yone yi maka gore Jehova a fetole merapelo ya rune.

Re thanaka Jehova. Jehova wa di bona tso re di makang mo re kene re mo rapela. (Luka 21:2, 3) Wa di bona gore re tikemisele ying le gore go na le ying ka ku dipelong tsa rune. Le mo re ka fo ba re theetsele mogahlano ka fowunu ke mokane go segela nako ya gore “amene” ke mokane le rune re yi hlaya, Jehova wa di bona. Re mo thanaka re le ka moka le bo ba leng ku mogahlanong.

Amene ya rune yi ka fo šupetsa nkare a yi re selo, mara gabutšibutši yi bolabola se sengwana. Puku ye nngwana ya go hlatolla Baebele yi re: Malata ya Modimo ma ka šupetsa gore ma yemme kaye “ka go fo berekisa lentsu lowa ka lloši, ma titshepa, ma sa kamake gore maa mo jabodisa fote ma na le tshepo ya go tiya ka ku dipelong.” Nkare “amene” ya rune ye nngwana le ye nngwana yi ka jabodisa Jehova.—Pis. 19:14.