Kansi Ufumu wa Mulungu n’chinji?
Mwe mulingilila kuti . . .
-
ni chinthu chili muntima mwa munthu?
-
chinthu choyelekezela?
-
olo ufumu wa kululu?
BAIBOLO YULAŴILA KUTI
‘Mulungu wakululu azaikepo ufumu wamene uzachenekewe lini.’—Danieli 2:44, Baibulo la Dziko Latsopano.
‘Kuli seo kwavyalika mwana, papewa pake pazaŵe utongi.’—Yesaya 9:6.
MWA KUZIŴA VAMENE IVI KUNGAKUYAVYENI TYANI?
-
Kungakuyavyeni kuziŵa kuti muzankhale na boma yolungama yati muzatemwe nayo.—Yesaya 48:17, 18.
-
Mu chalo cha nyowani muzaŵe na thanzi komasoti umi wangwilo na wotemwesha.—Chivumbulutso 21:3, 4.
MWA TUWAMILA KUCHETEKELA CHENDI VAYULAŴILA BAIBOLO?
Ee, pa vikomo viŵili:
-
Yesu etiwonesha vati uzachite Ufumu wa Mulungu. Yove enzephunzisha ophunzila ŵake kupemphelela kuti chifunilo chake chichitike pachalo. (Mateyu 6:9) Yesu etiwonesha mwatin’nga pemphelele kuti mapemphelo ŵansu ankhale omvwika.
Penze pa chalo, Yesu echipa anjala chakulya epoja olwala komasoti eusha akufwa! (Mateyu 15:29-38; Yohane 11:38-44) Monga ntongi wa Ufumu wa Mulungu kusogolo, Yesu eonesha mwati chizaŵele chiweme chalo kuli ŵanthu ŵake.—Chivumbulutso 11:15.
-
Vuchitika m’chalo vuoneshelatu kuti Ufumu wa Mulungu wasala patontho kuwela. Yesu elaŵila kuti Ufumu wa Mulungu ukaliye wela pachalo pazaŵe nkhondo, njala, na kunyang’anya kwa chalo.—Mateyu 24:3, 7.
Vonse vuchitika masiku ŵano vutiyavya kuŵa na chichetekelo chakuti mu Ufumu wa Mulungu kwalombapano matamano onse azasile.
KONSHO YAKUTI MUKOLINGILILA
Kansi umi uzaŵe tyani Ufumu wa Mulungu ukazayamba kutonga?
Baibolo yuyankha konsho yamene iyi pa SALIMO 37:29 na pa YESAYA 65:21-23.
Mungakondesoti kuwona izi
NSANJA YA MULONDA
Kansi Ufumu wa Mulungu uzachite chinji?
Yesu enzeziŵa kuti ni Ufumu wa Mulungu weka wamene ungakwanishe kusilija mavuto onse pano pachalo. Kansi Ufumu wamene uyu wachitako kale chinji kuti utiyavye kunkhala na chikhulupililo?
ZA SEWO
Ndaŵa yanji mufunikila kuphunzila Baibolo?—Vidiyo yonse
Baibolo yupeleka mayankho a makonsho akulu-akulu pa umi wa ŵanthu anyinji pa chalo chonse. Mungakonde kuŵa m’mozi wa ove?
