ISIFUNDO 80
UJesu Ukhetha Abapostoli AbaliTjhumi Nambili
Ngemva kobana uJesu atjhumayele isikhathi esingangomnyaka nesiquntu, wathatha igadango eliqakathekileko. Bobani ebekazobakhetha bona basebenze naye? Bobani ebekazobabandula bona banqophise ibandla lobuKrestu? UJesu wabawa isinqophiso kuJehova nakazakuthatha amagadango aqakathekileko lawo. Yeke wakhuphuka intaba wayokuba yedwa, wathandaza ubusuku boke. Ekuseni, uJesu wabizela abanye babafundi bakhe ndawonye, wakhetha abapostoli abali-12. Usawakhumbula na amabizo wabo? BekunguPitrosi, u-Andrisi, uJakopo, uJwanisi, uFlebhe, uBharitholomeyusi, uTomasi, uMatewu, uJakopo umsa ka-Alfiyosi, uThadiyosi, uSimoni, kanye noJudasi Iskariyodi.
U-Andrisi, UPitrosi, uFlebhe, UJakopo
AbaliTjhumi Nambili laba bebakhamba naye. Ngemva kokubabandula, bakhamba bayokutjhumayela bodwa. UJehova wabapha amandla wokuqotha amadimoni nokupholisa abagulako.
UJwanisi, uMatewu, uBharitholomeyusi, noTomasi
UJesu wabiza abapostoli bakhe abaliTjhumi Nambili ngokuthi bangani bakhe, begodu bekabathemba. AbaFarisi bebazi abapostoli bababantu abangakafundi nabajayelekileko. Kodwana uJesu wababandulela ukwenza umsebenzi wokutjhumayela. Bebahlala banoJesu soke isikhathi sokuphila kwakhe, njengangaphambi kokufa nangemva kokuvuswa kwakhe. Inengi labo belivela eGalile njengoJesu. Abanye babo bebatjhadile.
UJakopo umsa ka-Alfiyosi, uJudasi Iskariyodi, uThadiyosi, noSimoni
Abapostolaba bekubabantu abangakapheleli, abakhamba batjhapha lapho nalapho. Ngezinye iinkhathi bebarhaba bakhulume namkha bathathe iinqunto abangakacabangisisi ngazo. Ngasikhathi bebaphela ihliziyo. Kokhunye bebaphikisana nangokuthi ngubani oqakathekileko kunomunye. Kodwana bebababantu abamthandako uJehova. Bebazokuba sisekelo sebandla lobuKrestu uJesu nasekakhambile.
“Nginibiza bona nibangani ngombana nginazise koke engikuzwe kuBaba.”—Jwanisi 15:15
Okhunye Ongakuthabela
UJESU—UYINDLELA NEQINISO NOKUPHILA
Ukhetha Abapostoli Abalitjhumi Nambili
Khuyini umahluko phakathi kompostoli nomfundi?
UJESU—UYINDLELA NEQINISO NOKUPHILA
Utjhumayela EGalile Begodu Ubandula Abapostoli
Atjho ukuthini amezwi athi ‘umBuso wezulu utjhidele’?
ISITHALA
