Bia 159
Hɛ̃ Yehova gonda
Mɔ hɔ azi zu, Yehova
Zo mɛ ngama mɔ na Yah?
Mbi futa mɔ ngasia Nzapa?
Na lo ti nzɔ̃ songo tɛ mɔ
Se mbi ba ndozu mbi hũ
Ngunu nga ndima tɛ mɔ.
Mbi du na Yehova Nzapa,
Ti nɛngɔ ya, mɔ ye mbi na?
(REFRAIN)
Gbia Yehova, se mɔ ye ma bia mɛ,
Mbi ye ti gondangɔ mɔ.
Mɔ gbia tɛ mbi, nga Nzapa ti bwai,
Zia ya, mbi hɛ̃ mɔ’aye zu
Baba lua gonda bwai.
2. Mbi na gondangɔ Yehova
Dungɔ lɛ ngɛ̃́ tɛ mbi zu.
Zia ya, mbi pa nzɔ̃ bɛ tɛ mɔ
Na dengɔ bɛ hɛ̃ azi zu.
Vɔrɔngɔ mɔ Kota Nzapa,
Ahɛ̃ mbi ndima baba!
Mɔ du wa hɛ̃ngɔ mbi ngunu.
Mɔ du wa dɔngɔ mbi na nɔ.
(REFRAIN)
Gbia Yehova, se mɔ ye ma bia mɛ,
Mbi ye ti gondangɔ mɔ.
Mɔ gbia tɛ mbi, nga Nzapa ti bwai,
Zia ya, mbi hɛ̃ mɔ’aye zu;
Baba lua gonda bwai.
3. Mbi ndo ma mbɛtɔ kpengbani,
Se mbi ba’aye mɛ mɔ li
Ni ndo hɛ̃ mbi bo dengɔ bɛ
Mbi ndo hũ nga songo tɛ mɔ.
Mɔ du wa ndara nga lombe
Azi ndo hũ ni ngoi zu.
Yehova mɔ la li ye zu
Ta mbi gonda mɔ ngasia?
(REFRAIN)
Gbia Yehova, se mɔ ye ma bia mɛ
Mbi ye ti gondangɔ.
Mɔ gbia tɛ mbi, nga Nzapa ti bwai
Zia ya, mbi hɛ̃ mɔ’aye zu;
Baba lua gonda bwai.
(Ba nga Nz. 96:1-10; 148:3, 7.)
