Ik bün groot woore in Estados Unidos, in ain stad wat Los Angeles hit. Ik däir wåne in aine stel woo drogas wäire un dår wäire grup lüür wat nischt doige däire, wat feel slechte daile måke däire. Ik wäir dai twait fon söss kiner.

Mijn mama hät oos uptrekt soo as evangelisch. Åwer, in mij juugend ik däir up twai moore leewe. Sündags däir ine kirch singe, in dai rest fone week mij leewend wäir fest måke, seks bedrijwe un drogas benutse.

Irgends air dail däir mij wüütre. Taum air strijd gewine ik däir irgends air dail benutse taum slåe. Wat ik ine kirch lërt häw, hät mij in går nischt hulpe. Ik wäir gewoont soo säge: “Is God wat tröögbetålt, åwer hai däit mij benutse dårtau.” Airer as jårsål 1970, as ik ine schaul nog wäir, hät air grup anfånge fon politik wat Panteras Negras haite däir. Sai wäire dår hijner an, dat dai swarte lüür mër recht krijge däire, åwer sai däire dat måke mit gewald. Ik bün t’hoop gåe mit andrer wat in schaul günge wat uk bijståe däire dai Panteras Negras. Feelmåls günge wij ine ruu taum dës daile forlange un dårweegen wäir går kain schaul.

Dat ik gewaldig wäir, bloos ine ruu gåe taum dai recht fone swarte lüür forlange wäir ni naug tau mij. Dårweegen däir ik, t’hoop mit dai andrer, slechte daile måke gëgen dai andrer. Öftens, ik mit dai andrer wat mit mij t’hoop wäire, däire aine film kijke oiwer dai nood wat dai swarte doirset häwe in Estados Unidos as dai eskravs wäire. Dës daile kijke däir oos gans un går wüütend låte. Dårweegen däire wij dår dai wite lüür hooge wat in der cinema wäire. Nåheer, günge wij hen woo wite lüür wåne däire taum sich oiwer eer oiwerheer måke.

As mij juugend leewend al tau ën wäir, ik un mijn bruirers wäire al kent as slime lüür wat gewaldig wäire un gërn strijre däire. Wij hare sër feel kopbreeken mite poliss. Air braurer wat jünger wäir as ik, wäir ümer t’hoop mit slim lüür un ik güng uk ümer mit eer. Mij leewend däir ümer slechter ware.

Ik har ümgang mit air wat em sij papa un mama Jehovaas Tüügen wäire. Sai häwe mij nöögt taum ain forsamlung oiwer dai Bijbel kijke un ik häw dat annåme. Dår häw ik saie dat Jehovaas Tüügen gans aners wäire. Dår däire ale dai Bijbel benutse. Sogår dai kiner un juugende däire preeg måke. Ik häw mij wunert dat God hät aine nåme un dat ale dår däire dai nåme benutse. (Salmo 83:18) Ik häw saie dat dår ine gemaind wäire lüür fon al sort rass, åwer sai wäire sich ale ainig.

Am anfang, ik häw wut ni dai Bijbel lëre mit Jehovaas Tüügen, åwer ik däir gërn upe forsamlunge gåe. Aine åwend, wäir ik up aine forsamlung fon Jehovaas Tüügen. Up dës neemlig åwend, wek wat ik ümgang mit har sin up ain show gåe. Up dës show häwe sai ain jong slåe solang dat hai doodbleewe is. Sai häwe dat måkt weegen sai wule em sij leererjak häwe un hai wul dat ni geewe. Der andrer dag häwe sai sich prålt dat sai em doodmåkt hare. As sai up gericht gåe sin, häwe sai sogår lacht. Nåheer dai mëste fon eer sin inspuunt woore up ümer. Ik bün sër fröölig wääst dat ik ni t’hoop wääst bün mit eer in dai nacht. Ik häw uutsöcht mijn leewend aners måke un dai Bijbel lëre.

Ik wäir gewoont saie dat dai wite un swarte lüür däire sich sër hasse. Den, däir ik mij sër wunre oiwer soo’s Jehovaas Tüügen wäire. Air mål air wit kërl wat Tüügen fon Jehovaa is, is na anerd gëgend rëst un hai hät ain swarte familg sägt sai schule eer kind uppasse. Air anerd mål, air swart jong har kair stel taum wånen un ain wit familg hät em sägt hai schul mit eer wåne. Dit ales hät mij weese dat Jehovaas Tüügen daue grår soo måke as Jësus sägt hät in João 13:35: “Dårdoir ale ware waite dat jij mijn jüngers sin: wen jij lijb mank juuch häwe.” Ik har dun lüür kent wat wirklig soo wäire as ain familg.

As ik dai Bijbel lëre däir, ik häw lërt ik müst üminre soo as ik denke däir, ni bloos taum air ruig mësch sin, åwer uk taum glööwe dat dës sort leewend, dat best wäir. (Romanos 12:2) Mite tijd, bün ik foirwärtsgåe. In januar 1974, häw ik mij tauwe låte as air Tüügen fon Jehovaa.

Lijkerst nåheer as ik mij tauwe låte häw, ik häw müst mij anstrenge taum ni werer strijre mit dai lüür urer grof sin mit eer. Aine dag däir uk huus bij huus preege t’hoop mit andrer bruirers un swesters. Dun, air spitsbuub hät dai radio fon mijn wåge (auto) ståle un ik bün nåloope hijner em. As ik em bijnå greepe har, hai hät der radio upe ër smeete un is wegloope. As ik tröögkåme bün un häw fortelt woo ik dai radio tröögkreege häw, air ülst hät mij frågt: “Stephen, wat däirst duu måke wen’s duu dai spitsbuub greepe harst?” Dat wat hai mij frågt hät, hät mij hülpe grüüwle. Ik häw saie dat ik nog mij anstrenge müst taum ain fråm mësch sin.

In oktober 1974, ik häw anfånge mijn mëst tijd neeme taum dai lüür oiwer dai Bijbel inlëre. Ik däir huunerd stuune up månat preege. Spårer hen, ik häw in Betel fon Brooklyn, Nova York mit fraiwile dijnt. In 1978, ik häw müst na mijn stad trööggåe taum mijn mama uppasse weegen sai wäir krank. Twai jåre nåheer, häw ik frijgt mit Aarhonda. Mijn lijb fruug hät mij sër hulpe un wij häwe mijn mama uppasst bet sai inslåpe is. Mite tijd, ik un Aarhonda häwe dai Gilead Schaul måkt fon Torre de Vigia. Dår häwe’s oos na Panamá henschikt taum preegen un wij sin in dës gëgend bet hüüt hen.

Nå mijn tauwen ik häw feel daile doirset wat mij wüütend låte küüne. Ik häw lërt dat, taum ruig blijwe wen soo wat passijre däir, ik müst mij tröög treke fon dai lüür wat mij sanke däire urer dai daile ruigmåke. Feel lüür, soo as mijn fruug, häwe mij låwt soo’s ik mij drëgt kreege häw mit dës daile. Sogår ik häw mij wunert mit mij alaine! Ik dau denke dat ik ni alaine aners ware kreege häw. Ik dau anglööwe dat is dai Bijbel wat dai lüür eer leewend aners mökt. (Hebreus 4:12)

Dai Bijbel hät mij inlërt wotau dat leewend is. Ik häw uk lërt wirklig fråm sin. Hüüt, ik dau ni mër dai lüür slåe soo as airste, åwer laiwer dau ik eer helpe eere gloobe stärke. Ik häw sogår air mësch dai Bijbel inlërt wat mij faind wäir as wij ine schaul wäire. Ain tijd nåheer, hai hät uk sich tauwe låte un is air Tüügen fon Jehovaa woore. Ain tijd lang, häwe wij sogår t’hoop wånt un hüüt sin wij nog groot amigos. Ik un mijn fruug häwe al mër as 80 lüür dai Bijbel inlërt un sai sin Jehovaas Tüügen woore.

Ik dau Jehovaa danke dat hai mij air fröölig leewend geewt hät, wat wat upsich hät un dat ik tauhööre dau tau ain familg in gloobe ine ganse wild wat wirklig ainig is.