NGENYI KUNOSISIRA: Inga mathurusi mazinji, interneti ingabesa kana kukhuvaza. MaKristu amweni anosana kutama kushandisa interneti. MaKristu amweni anoshandisa interneti kuitira kubhuya no shamwari kana ukama hwavo. Dhiabho anoda kuti tiite mapenji pakushandisa interneti, zvingazoguma pakudira pangozi mugariro jedu no zvo umwari. Inga ndi Jesu, tingashandisa zviambi zvo Soko ra Mwari kuti tivone ngozi no kuita bhasopa.—Lc 4:4, 8, 12.

ITANYI BHASOPA:

• Kugara tiri mu masaite o interneti. Kupeja nguva yakawanda tecishandisa interneti kana masaite akona, zvingatihira nguva yedu yo mabasa okumujimu.

  Zviambi zvo Bhaibheri: Ef 5:15, 16; Fil 1:10

• Kuvona zviro zvo upenji. Kuvona foto jinomusijira zvido zvo vatano zvingatungamirira kovona zvo umitu-mitu kana kutoita uhure. Kuverenga mathurusi kana masoko o vapanduki zvingarembesa gonda redu.

  Zviambi zvo Bhaibheri: Mt 5:28; Fil 4:8

• Kudira masoko kana foto jicikasisiri. Ngokuti mwoyo unocengeja, mundhu angadira masoko kana foto jicikasisiri mu interneti. Ngokudaro, kuita kudaro zvingakhuvaza mugariro jo vamweni kana kutovakhugunya kumujimu.

  Zviambi zvo Bhaibheri: Rom 14:13; Ef 4:29

VONANYI VHIDHIO INOTI IVANYI MAKANGWARA PAKUSHANDISA INTERNETI, PEREPO HWIRIJIRANYI, TINGAITISA KUDINI BHASOPA PA MUGARIRO IJI: