Ukwethekelela Amawofisi Ethu
Siyakunxusa ukuthi uzovakatshela amawofisi ethu abizwa langokuthi yiBhetheli. Kwamanye amawofisi ethu uyavunyelwa ukubuka ezinye ingxenye zeBhetheli uwedwa.
Ukuvakatshela EBethel: Kusukela mhlaka 1 June 2023 abantu besebevunyelwa ukuvakatshela emaBethel atshiyeneyo. Nxa ufuna ukwazi okunengi, thintana legatsha ofuna ukuvakatshela kulo. Kodwa sicela ungayi nxa kuyikuthi ubanjwe iCOVID-19, ulempawu ze-flu kumbe nxa uke waba seduze lomuntu oleCOVID-19.
ESouth Africa
Okuphathelane Lokuvakatshela IBhetheli
Kumele ngibhukhe yini ngingakavakatshi? Ye. Sicela bonke abazobuka iBhetheli babhukhe bengakafiki kungelani lokuthi babuya bebangaki. Lokhu kuzanceda ukuthi kungagcwali kakhulu lokuthi bonke abafikayo bakholise ukubuka indawo. Kungcono ukuthi libhukhe kusasele iviki ukuthi libuye. Nxa libuya ngamaholideyi silikhuthaza ukuthi libhukhe kuseselesikhathi sibili.
Nxa ungabhukhanga ungenelisa yini ukutshengiswa indawo? Nxa ungabhukhanga kungaba nzima ukuthi utshengiswe indawo. Ngelanga ngalinye kulabalutshwana abangenelisa ukubuka iBhetheli.
Kumele ufike sikhathi bani? Sicela ufike kusasele ihola ukuze kungagcwali kakhulu.
Ubhukha njani? Hlaba lapho okubhalwe ukuthi “Bhukha.”
Nxa usubhukhile ungaphinda utshintshe kumbe ukhansile yini? Ye. Hlaba lapho okubhalwe “Khangela Kumbe Utshintshe Isicelo Sakho.”
Ungenzani nxa amalanga owafunayo esethethwe? Qhubeka ukhangela. Ungacina uthola amalanga nxa kuyikuthi ukhona osetshintshile kumbe osekhansilile.
Elizakubona
Lapho Okufikela Khona Izivakatshi: Lizabukela ividiyo etshengisa lokho okwenzakala eBethel lokuthi konke okwenziwa lapho kuthuthukisa njani ukukhonza kwethu.
Ukubuka Indawo Yesibili Esidindela Kuyo: Lizabona amavidiyo atshengisa ukuthi kunceda ngani ukuhumutsha lokudinda amabhuku ngezindimi ezikhulunywa elizweni leli. Kulendawo elifika lime kuyo ukuze lenelise ukubona imitshina yokudinda. Lizabona lembali yeBhayibhili kanye lokuthi ibizo likaNkulunkulu belisetshenziswa njani emaBhayibhilini ngezindimi ezisetshenziswa lapha eSouth Africa.
Ukubuka Indawo Yesithathu Esidindela Kuyo: Kulendawo elifika lime kuyo ukuze lenelise ukubona okwenziwa luhlangothi oluthumela amabhuku ezindaweni ezitshiyeneyo kanye le-screen esitshengisa izindawo okuzathunyelwa kuzo lawomabhuku. Lizabona lamavidiyo atshengisa umsebenzi wokwakhiwa kwamaWolu oMbuso lamanye atshengisa ukuthi amavidiyo kanye lama-audio ethu enziwa njani.
Okunye okukhona: Kulamabhasi athwala abantu besuka kweyinye ingxenye yegatsha besiya kweyinye. Kuphinda kube lendawo lapho abavakatshileyo abangadlela khona umphako wabo.
Ikheli Lenombolo Zefoni