Kema timokualchijchiuaj para timomachtisej, uelis timotlatsintokisej: “¿Tlake nijneki nijyekos?”. Maske uelis ya tijmatij tlake tikitasej kema timomachtisej, nojkia uelis tijyekosej sekinok tlamantli tlen Jehová kineki techmachtis. ¿Kenijkatsa uelis tijchiuasej?

Xikiljui Jehová ma mitsmaka tlalnamikilistli. Amo ximoiljui ya tijkuamachilia nochi (Prov. 3:5, 6). Xikiljui Jehová ma mitspaleui tikitas tlake tlamantli kineki xijyeko kema timomachtia (Sant. 1:5).

Xijkaua itlajtol Dios ma mitspaleui ipan monemilis. “Pampa itlajtol Dios yoltok” (Heb. 4:12). Kema tijpouaj Biblia, uelis techmachtis sekinok yankuik tlamantli tlen techpaleuis ipan tonemilis. Kiampa panos tlaj tijkaua Dios ma techmachti.

Xijtlaskamatili Jehová nochi tlen mitsmachtia. Nopa tlamachtili tlen Jehová techmaka, eli kejuak se “ueyi tlakualistli” tlen tlauel ajuiyak (Is. 25:6). Amo xikiyokakaua san pampa timoiljuia amo mitspaktis. Tlen timomachtis mitspaleuis uan nojkia mitspaktis.