‘ယေဟောဝါက အမြဲ ဂရုစိုက်စောင့်ရှောက်မယ်ဆိုတာ ယုံကြည်စိတ်ချ’

ဖွင့်ပါ

၂၀၂၅ ခုနှစ်၊ ဇူလိုင် ၄ ရက်မှာ ခရာစနာဒါဒေသ၊ ဗေရှိုကိုစကီ ခရိုင်တရားရုံးက ညီအစ်မ အီရီနာ အူရှာကိုဗာကို အပြစ်ရှိကြောင်း စီရင်ပြီး ဆိုင်းငံ့ထောင်ဒဏ် နှစ်နှစ် ချမှတ်လိုက်တယ်။ အခုလောလောဆယ် ထောင်ထဲ ဝင်စရာမလိုပါ။

ကိုယ်ရေးအကျဉ်း

အီရီနာ အူရှာကိုဗာ

မွေးနှစ်၊ မွေးရပ်– ၁၉၇၄ (တာဂျစ်ကစ္စတန်နိုင်ငံ)

နှစ်ခြင်းခံတဲ့နှစ်– ၂၀၀၄

နောက်ခံ– ၂၀၀၆ ခုနှစ်မှာ ဗစ်တာလီနဲ့ လက်ထပ်ခဲ့ပြီး သားနှစ်ယောက်ရှိ။ ၂၀၂၁ ခုနှစ်မှာ အီရီနာ ကင်ဆာရောဂါရှိမှန်း တွေ့ရှိ။ ဗစ်တာလီကိုလည်း နောက်အမှုတစ်ခုနဲ့ ပြစ်မှုဖွင့်ထား

စွဲချက်– ယေဟောဝါသက်သေတွေရဲ့ ဘာသာရေးအစည်းအဝေးမှာ ပါဝင်ခြင်း

ပြစ်ဒဏ်– ဆိုင်းငံ့ထောင်ဒဏ် နှစ်နှစ်

ကိုယ်ပိုင်မှတ်ချက်

ဒီလိုခက်ခဲတဲ့အချိန်မှာ ဘယ်ကနေ အကူအညီရသလဲ

ကျွန်မ အကြီးစားခွဲစိတ်မှု ခံယူပြီး မကြာခင်မှာ ဗစ်တာလီ အဖမ်းခံရပြီး အချုပ်ထောင်ထဲ ရောက်သွားတယ်။ ဘာအလုပ်မှ မလုပ်နိုင်တဲ့အပြင် ဘာမှလည်း ရေရေရာရာ မစဉ်းစားနိုင်ဘူး။ အမှန်အတိုင်းပြောရရင် ဒါတွေအားလုံးကို ဘယ်လိုရင်ဆိုင်သွားရမလဲဆိုတာ ကျွန်မ မသိခဲ့ဘူး။ ဒီလို စိတ်ကယောက်ကယက်ဖြစ်နေချိန်မှာ ဘုရားရေးရာလုပ်ရိုးလုပ်စဉ်တွေကို ဆက်ထိန်းထားတာက ကျွန်မကို ဟန်ချက်မပျက်သွားအောင် ကူညီပေးတယ်။ နေ့တိုင်း ကျမ်းစာဖတ်တယ်။ အချိန်ယူပြီး ယေဟောဝါကို ရင်ဖွင့်ဆုတောင်းတယ်။ အခု ကျွန်မ သိလာရတာက ပြဿနာတွေ မရှိမှ စိတ်ငြိမ်သက်မှု ခံစားရတာမျိုးမဟုတ်ဘူး။ အလွန်အကျွံ မစိုးရိမ်ဘဲ ပြဿနာတွေကို ကောင်းကောင်းမွန်မွန် ရင်ဆိုင်ဖြေရှင်းနိုင်စွမ်းနဲ့ ယေဟောဝါ အမြဲဂရုစိုက်စောင့်ရှောက်မယ်ဆိုတဲ့ စိတ်ချမှုကနေ ရလာတာ ဖြစ်တယ်။

ယေဟောဝါရဲ့ အကူအညီနဲ့ ဘယ်စမ်းသပ်မှုမျိုးကိုမဆို အောင်အောင်မြင်မြင် ရင်ဆိုင်နိုင်တယ်ဆိုတာ သိရလို့ ကျွန်တော်တို့ သိပ်ကို အားရှိရပါတယ်။—ဧဖက် ၃:၁၆။

ကြိုက်လို ကြိုက်ငြား အကြောင်းအရာများ

သတင်းထုတ်ပြန်ချက်

ယုံကြည်ချက်ကြောင့် ထောင်ချခံရ—ရုရှား

ရုရှားနိုင်ငံရှိ ယေဟောဝါသက်သေများဟာ ယုံကြည်ချက်ကြောင့် ထောင်ချခံနေရတယ်။ သူတို့ ဘာတွေ ကြုံရတယ်ဆိုတာ လေ့လာပါ။ လက်ရှိ ထောင်ကျနေတဲ့ သက်သေခံတွေရဲ့ စာရင်းကို ပရင့်ထုတ်ပါ။

သတင်းထုတ်ပြန်ချက်