BABG A 4
A Zeezi moona koɛɛgã Zʋʋde
“Kos-y tigsgã soab tɩ b tʋm tʋmtʋmdb b tigsgẽ wã.”—Luk 10:2
BAB-KÃNGÃ PƲGẼ
SAK 66
A Zeezi bee zãn kibsẽ wã Zeruzalɛm
Bõe n da tõe n sõng sẽn da kelgd-b a Zeezi wã tɩ b sak n deeg tɩ zĩn pa tar-a?
SAK 67
“Ned nan ka gom wa rao-kãngã ye”
Zʋɩf-rãmbã bʋ-kaoodbã sullã nebã fãa la bal ra kisa a Zeezi, la b nin-yend n tall raoodo, n gom n sõng-a.
SAK 68
Wẽnnaam Biigã yaa “dũni vẽenem”
A Zeezi yeela zʋɩf-rãmbã tɩ “sɩdã na kɩt tɩ yãmb lebg burkĩmba,” rat n yeel tɩ n paam b mense. B na n paama b mens ne bõe?
SAK 69
B ba yaa a Abrahaam bɩ, bɩ yaa a Sʋɩtãana?
A Zeezi wilga b sẽn tõe n maan n bãng a Abrahaam yagensã sẽn sɩd yaa b rãmba, la a wilg yẽ ba wã sẽn yaa a soaba.
SAK 70
Rao sẽn dog ne zondo, t’a Zeezi puk a ninã
Karen-biisã soka bõe yĩng tɩ raoã yaa zoanga. A maana yel-wẽnd bɩ? A roagdbã maana yel-wẽnd bɩ? A Zeezi sẽn puk raoã ninã, nebã manesem yɩɩ toor-toore.
SAK 71
Fariizẽ-rãmbã namsa rao ning nin sẽn pukã
Rao ning nin sẽn pukã togsa gomd sẽn yaa sɩda, tɩ yik Fariizẽ-rãmbã sũy. Fariizẽ-rãmbã riga raoã n yiis karen-doogẽ wã, wa raoã meng roagdb sẽn da yɛɛsdã.
SAK 72
A Zeezi tʋma karen-biis 70 tɩ b tɩ moon koɛɛgã
Zʋʋde, a Zeezi tʋma neb 70, n yeel-b tɩ b tɩ moon rĩungã koɛɛgã. Yɛ la karen-biisã ra tog n moone? Karen-dotẽ wã bɩ, bɩ zagsã pʋsẽ?
SAK 73
Samaari rao sẽn wilg t’a nonga a to
Wãn to la a Zeezi tũnug ne Samaari raoã, bɩ Samaari nin-sõngã kibar n zãms nebã bũmb sẽn tar yõod wʋsgo?
SAK 74
A Zeezi goma pʋʋsgã la sãan-deegrã yelle
A Zeezi kẽng n tɩ gesa a Maari ne a Mart b zakẽ wã. bõe la a yeel-b sãan-deegrã wɛɛngẽ? Rẽ zugẽ, a wilga a karen-biisã tɩ b segd n pʋʋsame n kos bõe?
SAK 75
A wilga bũmb ning sẽn wat ne sũ-noog hakɩɩkã
A Zezi togsa sẽn da wɩt-b yẽ wã t’a sẽn maandã yaa Wẽnnaam nugu, la a wilg-b Wẽnnaam Rĩungã sẽn be b sʋkã sẽn dat n yɛɛlga. A leb n wilga ned sẽn tõe n maan n paam sũ-noog hakɩɩka.
SAK 76
Fariizẽ n bool a Zeezi a yiri
A Zeezi wilgame tɩ Fariizẽ-rãmbã ne tõog karen-saamb-dãmbã yaa zãmb dãmba. B ra zɩlga nin-buiidã ne bõe?
SAK 77
Sagls a Zeezi sẽn kõ arzɛkã wɛɛngẽ
A Zeezi rɩka makr n gom arzɛk soab sẽn me bao-bɛda. Arzɛkã baoob wɛɛngẽ, saglg bʋg la a Zeezi lebg n togse?
SAK 78
Tʋm-tʋmd sẽn maand sɩdã tog n segla a menga
A Zeezi wilgame t’a ratame t’a karen-biisã zoodã ne Wẽnnaam yɩ sõma. Bõe la tʋm-tʋmdã na n maan n sõng-ba? Bõe yĩng t’a Zeezi sẽn sagend tõnd tɩ d segl d mensã tar yõod wʋsgo?
SAK 79
B sẽn na n sãam zʋɩf-rãmb nins sẽn ka tẽebã võore
A Zeezi wilgame tɩ neb nins a sẽn makd n na n sõngã sã n pa tek yam, b na n sãam-b lame. B na n dɩka yam a Zeezi goamã pʋgẽ, n modg n bao Wẽnnaam bɩ?
SAK 80
Pe-kɩɩm-sõngã ne a pe-yãgã
Pe-kɩɩm sẽn nong a piis to-to wã wilgda a Zeezi me sẽn nong a karen-biisã to-to wã. B na n saka a zãmsgã la b tũ-a bɩ?
SAK 81
A Zeezi ne a Ba wã sẽn yaa yembrã võore
Neb n dõd a Zeezi t’a geenda a meng wa Wẽnnaam. Bõe la a yeel n wilg tɩ yaa rõdga?
