«Еҥ-влакын ылыж кынелмашышт лиеш» (Апост. пашашт 24:15, У Сугынь ден Псалтирь, 1986).

Лишылна-влак коленыт гын, лыпландарымашым пуа (2 Коринфян-влаклан 1:3, 4).

Колымаш деч утыжден лӱдаш огыл полша (Еврей-влаклан 2:15).

Колышо лишыл еҥ-влак дене угыч вашлиялташ пеҥгыде ӱшаным пуа (Иоаннын 5:28, 29).

Лиеш, да тидлан эн шагалже кум амал уло:

• Юмо — илышым Пуышо. Библийыште Иегова Юмо нерген возымо: «Илышым пуышо памаш Тый денет» (Псалом 35:10; Апост. пашашт 17:24, 25). Юмо чылажымат ыштен гын, колышо-влакым илышыш пӧртылташ тудын вийже уло.

• Ожно Юмо еҥ-влакым ылыжтен. Библийыште кандаш еҥ нерген каласыме, кӧм Юмо мландыште угыч илаш пӧртылтен. Нунын коклаште илалше ден самырык-влак, пӧръеҥ ден ӱдырамаш-влак лийыныт. Нунын гыч шукыжо шагал жап колышо лийыныт, но иктыже ныл кече шӱгарыште киен! (Иоаннын 11:39—44).

• Юмо колышо-влакым ожнысо семынак ылыжтынеже. Иегова колымашым ужмышудымо; колымашым тудо тушманлан шотла (1 Коринфян-влаклан 15:26). Юмо тиде тушманым сеҥаш пеҥгыдын шонен пыштен. Еҥ-влакым ылыжтен, Юмо колымашлан мучашым пышта. Юмо уло кумылын угыч ужнеже чылаштым, кӧ нерген шарнымашым ушыштыжо куча. Тудо нуным мландыш илаш пӧртылта (Иов 14:14, 15).