ISAMBILILO 08
Mungaya Cuza Wakwe Yeova
Yeova akalonda mumumanye ningo. U mulandu ci? Akataila ukuti ndi cakuti mwamanya imiyele yakwe, vino akacita ivintu, na vino akalonda kumucitila, cingalenga muye ya cuza yakwe. Uzye i cacumi mungaya ya cuza yakwe Leza? (Belengini Yakobo 2:23.) I vyani vino mungacita pakuti muye ya cuza yakwe? Baibo ikaasuka mauzyo yaa nupya ikatunena ukuti ukuya ya cuza yakwe Yeova ali cintu cicindamisye sana cino tungacita.
1. I vyani vino Yeova akalonda ukuti mwacita?
“Palamini kuli Leza, nawe alapalama kuli mwemwe.” (Yakobo 4:8) Uzye cii cikupiliula cani? Yeova akulonda ukuti muye ya cuza yakwe. Yamwi cingayatalila ukuzumila ukuti yangaya ya cuza yakwe Leza pa mulandu wakuti asiloleka. Nomba umwi Izwi lyakwe, Baibo, Yeova watusokolwela vyonsi vino tungalondekwa ukumanya pali vino waya ivingalenga tupalame kuli aliwe. Nga twabelenga amazwi yakwe Leza aaya muli Baibo, ucuza witu na Yeova ukakomelako nanti icakuti tutamulolapo.
2. U mulandu ci uno Yeova wayela acuza musuma wino mungakwata?
Yeova wamutemwa ukuluta vino umuntu ali wensi angamutemwa. Akalonda mwaya ni nsansa nu kuti mwapepa kuli aliwe lino mukulondekwa uwazwilizyo. Mungasumbila “amasakamika inu pali aliwe, pano wene akamusakamala.” (1 Petulo 5:7) Yeova waiteyanya ukwazwa, kuteekezya nu kukutika kuli ya cuza yakwe.—Belengini Masamu 94:18, 19.
3. I vyani vino Yeova akalonda ukuti twacita pakuti tuye ya cuza yakwe?
Yeova watemwa antu yonsi, “lelo aololoke ali yakundwe yakwe.” (Mapinda 3:32) Yeova akalonda ya cuza yakwe ukulaezya ukucita ivintu vino akalola ukuti i visuma nu kutaluka ku vintu vino akalola ukuti i viipe. Yamwi yakayuvwa ukuti yatanga yacite ivintu vyonsi vino Yeova akalonda ukuti yacita nu kutaluka uku viipe. Nanti ciye vivyo, Yeova akaeleela sana. Akapokeleela umuntu wensi uwamutemwa nupya aakaezya na maka yonsi kumuzanzya.—Masamu 147:11; Milimo 10:34, 35.
LONDELEZYINI NA VYUZE
Sambililini na vyuze vino mungacita pakuti muye ya cuza yakwe Yeova, nupya mulole umulandu uno wayela a cuza musuma wino mungakwata.
4. Abulahamu wali a cuza wakwe Yeova
Ilyasi lyakwe Abulahamu (aakaamwa nu kuti Abulamu) ilyaya muli Baibo likatwazwa ukumanya vino cikapiliula ukuya cuza wakwe Leza. Belengini pi lyasi lyakwe Abulahamu pa Utandiko 12:1-4. Lyene mulanzyanye mauzyo yaa:
-
I vyani vino Yeova wanenyile Abulahamu ukucita?
-
I vyani vino Yeova wamulavile?
-
I vyani vino Abulahamu wacisile?
5. Vino Yeova akalonda ya cuza yakwe ukucita
Ilingi tukaenekela ya cuza itu ukucita ivintu vimwi.
-
I vintu ci vimwi vino mungatemwa ya cuza inu kumucitila?
Belengini 1 Yoani 5:3, alino mulanzyanye iuzyo lii:
-
I vyani vino Yeova akaenekela ya cuza yakwe ukucita?
Pakuti twauvwila Yeova, tungalondekwa ukusenula imiyele itu. Belengini Ezaya 48:17, 18, alino mulanzyanye iuzyo lii:
-
U mulandu ci uno Yeova akanenela ya cuza yakwe ukusenuka?
Cuza musuma akatunena ukucita ivintu ivingatucingilila nu kutwazwa. Vikwene avino na Yeova akacita kuli ya cuza yakwe
6. Vino Yeova akacitila ya cuza yakwe
Yeova akaazwa ya cuza yakwe ukuzizimizya intazi. Tambini VIDYO, alino mulanzyanye iuzyo ilyatililondelelapo.
-
Uzye Yeova wavwile uli umwanaci aalali muli vidyo kuta ukuya na melenganyo aipe?
Belengini Ezaya 41:10, 13, alino mulanzyanye mauzyo yaa:
-
I vyani vino Yeova walaya ukucitila ya cuza yakwe?
-
Uzye mukwelenganya ukuti Yeova angaya cuza musuma? U mulandu ci?
Ya cuza itu yakatwazwa lino tukulondekwa uwazwilizyo. Yeova nawe kwene alaamwazwa
7. Pakuti muye ya cuza yakwe Yeova mulinzile ukulalanda nawe nu kukutika
Kulanzyanya kukalenga ucuza ukukomelako. Belengini Masamu 86:6, 11, alino mulanzyanye mauzyo yaa:
-
Tungacita uli pa kulanda na Yeova?
-
Uzye Yeova akacita uli pa kulanda naswe?
Pa kulanda na Yeova tukapepa kuli aliwe; nawe akalanda naswe ukuomvya Baibo
YAMWI YAKALANDA UKUTI: “Tutanga tuye ya cuza yakwe Leza.”
-
I lembo ci lino mungaomvya pa kulanga ukuti tungaya ya cuza yakwe Yeova?
VINO TWASAMBILILA
Yeova akalonda ukuya Cuza winu, nupya alamwazwa ukupalama kuli aliwe.
I vyani vino mwasambilila?
-
Uzye Yeova akaazwa uli ya cuza yakwe?
-
U mulandu ci uno Yeova akanenela ya cuza yakwe ukusenuka?
-
Uzye mukwelenganya ukuti i citale ukuya cuza wakwe Yeova? U mulandu ci uno mwalandila vivyo?
LONDELEZYINI
Uzye ucuza winu na Leza ungalenga uli umi winu ukusenuka?
“Yeova A Leza Uwalinga Ukumanya” (Lupungu Lwa Mulinzi, Febuluwale 15, 2003)
Sambililini vino mungacita pa kuya cuza wakwe Leza.
Londelezyini umulandu uno umwanaci umwi akayuvwila ukuti ukuya cuza wakwe Yeova kwalenzile apusuke.
Uvwini vino alumendo na akazyana yalanda pali vino yakayuvwa pali Yeova.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
