“Yendu Kadaaɔg n diɛni kul nyiɛ Yendu buol i.”—2 Timote 3:16, Yendu Kadapaaɔnŋ.

L bu fid g tod’a ŋan la buali nba paa ŋmiɛni.—2 Timote 2:7.

L bu fid gii ŋmagd’a a binbem n ninŋ.—Efɛs Kristo-yab 4:25-29.

L bu tod’a ŋan gii daan g binbem bu lebd wonn po.—Rom Kristo-yab 15:4.

Ɛɛn, g dugn:

• Biibl lanbona g jalg liel. B bo juab bina 1600 i g diɛn Biibl. Yab bo diɛn l kadaaɔg bo tie nyan niib piinna nne i. B ninŋ bonciɛnn bo g ban g cend lieb. Yen l kul ban diɛn yal Biibl n ninŋ siɛl g jalg liel. B kul maad mayenm i.

• Yab diɛn Biibl tie mamɔnmaada i. Ŋanduna ne kadadiɛna tu g ŋɔnŋ b doug n yab biid yen b gbalm. Ama yab diɛn Biibl nuan ŋɔn banm mɔno biid yen b doug n yab biid.—Tuona 7:37-41; 1 Timote 1:13.

• Biibl bo puon g Yiesu bu mal Bɛtlɛm i, Suude doug big nne ninŋ. (Matieog 2:5, 6) Bina 700 puol po Yiesu bo tan mal lɛ i? L doug n i.—Luk 2:1-7.

  Yendu sogni-nba biɛ bo maad bona bonciɛnn k l tan tien nyan ban bo maad nand nyan jaa jaa jaa. Kadaaɔg nba nyiɛ Yendu buol kan gii tie nnyan kaa aa?—2 Piɛr 1:21.