Taunimanima momo na e lalomu una na basine vara diba.

•   “Tano momo ai, taunimanima kopidia kalana eiava bese idaudia taudia i’inai henidia karana na vaitani poisin bamona, bona momo edia mauri e hadikaiamu. Una kara dainai taunimanima na se kara namo hehenimu.”​—António Guterres, UN Secretary-General.

 Taunimanima idauidau be maka tamona ai bae kara henidia diba, a? Baibul be dahaka e gwaumu?

 Baibul ai Dirava ese bese idauidau e lalodiamu dalana ta dibamu.

•   “Rara tamona ai [Dirava] ese taunimanima besedia iboudiai vada e karadia.”​—Apos. 17:26.

•   “Dirava ese taunimanima oromadia se lalomu, a bese iboudiai lalodiai ia garina e garimu bona kara maoromaoro e karamu tauna na ia ese e lalo namo heniamu.”​—Apos. 10:34, 35.

 Baibul ese e hahedinaraiamu taunimanima iboudiai na bese tamona bona Dirava ese bese idauidau e abidia daemu.

 Guba gavamanina ta, Dirava ena Basileia henunai, bese idauidau na lalotamona ai bae noho. Una gavamani ese ma haida ikara henidia dalana maorona na taunimanima bae hadibadia. Taunimanima na bae diba edena dala ai bese idauidau i’inai henidia karana bae dadaraia.

•   ‘Tanobada inoholaina taudia ese kara maoromaoro [bae] dibaia.’​—Isaia 26:9.

•   “Kara maoromaoro anina na maino, bona kara maoromaoro amo laḡa-ani bona heabidadama bae hesiriu hanaihanai.”​—Isaia 32:17.

 Hari, taunimanima momo ese Baibul amo ma haida ikara namo henidia bona imatauraidia dalana e dibaiamu.

•   Diba ma haida bavabi totona, Awake! magasin ladana “Is There a Cure for Prejudice?” ba duahia.

•   Atikol ladana “Talking to Children About Racism” ba duahia, tama sina ese natudia ida ina topik bae herevalaia dalana ba dibaia totona.