Dwoko Penjo mag Muma
Be jomotho chieng’ nobed mangima kendo?
Kuom adier jachuech nyalo chiero jomotho
Jehova Nyasaye e Soko mar ngima. (Zaburi 36:9) Wechego nyiso maler ni Nyasaye nyalo chiwo ngima kendo ne joma osetho. Muma singonwa ni obiro timo kamano e kinde ma biro. (Som Tich Joote 24:15) To nikech ang’o?
Jachuechwa ne dwaro ni dhano odag e piny nyaka chieng’. (Chakruok 1:31; 2:15-17) Mano pod e dwache ne dhano. Owinjoga malit sama oneno ka wachandore, kendo dak kuom ndalo ma nok.—Som Ayub 14:1, 14, 15.
Joma ibiro chier biro dak kanye?
Be Nyasaye nochueyo dhano mondo odag e polo? Ooyo. Nyasaye nochueyo malaike mondo e ma odag e polo. To dhano nochueyo mondo odag e piny. (Chakruok 1:28; Ayub 38:4, 7) Wapar ane wechego sama wanono joma ne Yesu ochiero. Joma nochiero ne odak mana e pinyka. Kamano bende, thoth joma ibiro chier e kinde ma biro nodag mana e pinyka.—Som Johana 5:28, 29; 11:44.
Kata kamano, Nyasaye oseyiero joma nok ma ibiro chier mondo odag e polo, gin gi del mar roho. (Luka 12:32; 1 Jo-Korintho 15:49, 50) Joma ibiro chier mondo odag e polo biro locho gi Kristo e wi piny.—Som Fweny 5:9, 10.
Samoro Inyalo Hero Magi Bende
OHINGA MAR JARITO
Ere Kaka Wanyalo Bedo Gadier ni Ibiro Chier Jomotho?
Muma nyisowa weche ariyo ma miyo wabedo gadier ni ibiro chier jomotho.
DWOKO PENJO MA JI NIGO E WI MUMA
Chier En Ang’o?
Samoro inyalo wuoro ahinya kineno joma ochier e kinde ma biro.
DWOKO PENJO MA JI NIGO E WI MUMA
Gin Jomage Madhi e Polo?
En miriambo monya ahinya ni ji duto mabeyo dhi e polo. Ang’o ma Muma puonjo?
