Kare mar apar gachielni koro terowa e weche ma yudore e bug Mathayo ka dhi nyime. Jonyuol Yesu ne ok gin joma omewo, kendo ne gidak e taon moro matin. Yesu ne konyore gi wuon-gi e tij bao. Yesu e ma ne dhi reso oganda dhano. Jehova ne oseyiere mondo obi obed Ruoth e Pinyruodh Nyasaye. Ka in janyuol, kony nyathini mondo one kaka Jehova noyiero joot ma ne dhi pidho Yesu kod alwora ma ne odhi dongoe, mondo Yesu opon maber. Ler kaka Jehova ne orito Yesu mondo Herode kik nege, kod kaka onge gima nyalo chocho dwach Jehova. Nyis kaka Jehova ne omiyo Johana migawo mar iko ne Yesu yo. Jiw kaka Yesu ne onyiso chakre tinne ni ne ohero puonj mag Jehova.