Le kitatyi kimo bikukomenanga kuvuluka bintu byowatamba mu kwifunda? Kino kitufikilanga batwe bonso kitatyi ne kitatyi. Le i bika bibwanya kukukwasha? I kupituluka mu myanda mikatampe.

Kitatyi kyowifunda, wishinkije mwanda wa kulangulukila pa milangwe ya mvubu mpata. Tala mutumibwa Polo mwaākwashishe boba bādi batanga mukanda wandi balonge namino paālembele amba: “Pano mwanda mukatampe . . . i uno.” (Bah. 8:1) Mu uno muswelo wēbakweshe bevwanije byaādi usaka kunena ne muswelo wādi ukwatañene byaādi unena.

Ubwanya kwilamija’ko kitatyi, padi minite dikumi kitatyi kyonso kyopwa kwifunda mwanda wa kulangulukila pa myanda mikatampe yowefunda. Shi kwiivulukilepo, bandaula tumitwe twa myanda nansha musemwa mubajinji wa musango ne musango, mwanda wa kukukwasha uvuluke myanda mikatampe. Shi ubefunde mwanda mupya, longa bukomo bwa kwiushintulula mu byobe bishima. Shi ubandaule myanda mikatampe, bikakupēlela kwiivuluka. Kadi ukevwanija senene muswelo obwanya kwiingidija mu bobe būmi.