Bakristo bazali lokola “eloko ya kotala liboso ya mokili.” (1Ko 4:9) Yango wana, ekoki kokamwisa biso te soki bato mosusu batalaka biso na fɛnɛtrɛ to baboyaka kobima libanda ntango toyei kosolola na bango. Bandako mosusu kutu ezalaka na kamera to na batelefone oyo esalisaka nkolo-ndako amona biso, ayoka biso, mpe azwa mongongo na biso. Talá mwa makambo mosusu ya kosala mpo na komonisa bizaleli malamu ntango ozali liboso ya porte ya moto.​—2Ko 6:3.

• Kozala miso paipai te ntango okómi na ndako ya moto mpo na komonisa limemya epai ya nkolo-ndako. Ntango otɛlɛmi liboso ya porte ya moto, kolya to komɛla eloko te; kobenga to kotindela moto mesaje na telefone mpe te

• Ntango ozali liboso ya porte ya moto, koloba te eloko moko oyo olingi te nkolo-ndako ayoka. Bandeko mosusu bamonaka malamu ete bákata lisolo nyonso mpo bátya makanisi esika moko mpo na makambo oyo balingi koloba