Na ndakisa, talá makambo bato mosusu balobi mpo na bolamu oyo bazwi mpo batángaka Biblia mpe basalelaka batoli na yango na bomoi na bango.

“Bomoi na ngai ekómi malamu mpenza. Makanisi na ngai mpe bizaleli na ngai ebongi mpenza. Nakómi mpenza na esengo.”​—Fiona.

“Banda nakómá koyekola Biblia, namona mpenza ete bomoi ezali na ntina.”​—Gnitko.

“Bomoi na ngai ebongi mpenza. Sikoyo nazali na bomoi ya mindɔndɔ te mpe nazali na ntango mingi ya kolekisa na libota na ngai.”​—Andrew.

Oyo ezali kaka mwa ndambo ya bandakisa. Bato mingi na mokili bamoni ete Biblia epesaka batoli oyo esalisaka na bomoi.

Talá ndenge Biblia ekoki kosalisa moto abongisa . . .

• Sante

• Makanisi

• Libota mpe boninga na basusu

• Ndenge ya kosalela mbongo

• Boninga na Nzambe

Masolo oyo elandi ekomonisa ete Biblia ezali buku oyo euti na Nzambe mpe ekoki kosalisa yo na bomoi ya mokolo na mokolo.