Maloba ya ebandeli ya eteni 10
Yehova azali Mokonzi ya nyonso. Azali na makambo nyonso na mabɔkɔ mpe likambo moko te elekelaka ye. Na ndakisa, abikisaki Yirimia na liwa. Abikisaki Shadrake, Meshake mpe Abedenego na litumbu ya mɔtɔ mpe Danyele na libulu ya bankɔsi. Yehova abatelaki Estere mpo akoka kobikisa ekólo na ye mobimba. Akotika te mabe ekoba mpo na libela. Bisakweli ya ekeko monene mpe ya nzete monene emonisi ete mosika te Bokonzi ya Yehova ekolongola mabe nyonso mpe ekoyangela mabele.
NA ETENI OYO
Yehova atindi Yirimia asakola
Makambo elenge Yirimia alobaki epesaki bankumu nkanda makasi.
Yerusaleme ebebisami
Bato ya Yuda bakobaki kosambela banzambe ya lokuta, yango wana Yehova asundolaki bango.
Bana mibali minei oyo batosaki Yehova
Bana mibali ya Yuda bazwaki ekateli ya kotikala sembo epai ya Yehova ata na lopango ya mokonzi ya Babilone.
Bokonzi oyo ekoumela libela na libela
Danyele alimboli ndɔtɔ ya kokamwa ya Nebukadenezare.
Baboyaki kogumbama
Shadrake, Meshake, ná Abedenego baboyaki kosambela ekeko ya wolo oyo mokonzi ya Babilone asalaki.
Nzete monene oyo ezalaki elilingi ya bokonzi moko
Ndɔtɔ oyo Nebukadenezare alɔtaki ezalaki komonisa makambo oyo ekokómela ye.
Makomi na efelo
Ntango nini makomi yango ya kokamwa ebimaki, mpe elimbolaki nini?
Danyele na libulu ya bankɔsi
Bondeláká Yehova mokolo na mokolo, ndenge Danyele azalaki kosala!
Estere abikisi bandeko na ye
Atako azalaki mopaya mpe mwana-etike, akómaki mokonzi-mwasi.
Ezera ateyaki Mibeko ya Nzambe
Ntango Bayisraele bayokaki Ezera, bapesaki Nzambe elaka.
Bifelo ya Yerusaleme
Nehemia ayokaki ete banguna balingi kopekisa mosala. Mpo na nini abangaki te?
