IMBATA 02
Biblia ni Amani Asi ’Baza Fe
Wudrikuru drisi dria ’ba yi mu ria e’yo ewaru yini asi suza fepi, asi otiza fepi azini rua suza fepi ’diyi ma alea si. Mi ebi oku ali e’yo ewaru ’dile ni ma alea si ’bo ya? Mi ebi ’dile dri ci azosi, kaniku ’ba azi mini leleni ni drazu ri si. Mi eco mi zi, idri ni nga i otu muke ra ya? Biblia fe amani omvita kilili zita ’diyi ni ri ra.
1. Biblia ni asi ’baza fe ngoniru?
Biblia ece amani e’yo ewaru ga nyaku dria tre ’dini a’dusi yari, dika ece amani e’yo ewaru ’diyi nga yi de mbele ru ra. Aziza Biblia ma alea ’diyi amani ‘asi ’baza fe ewu drusi ri ma dria’ ra. (Mi la Yeremia 29:11, 12.) Aziza ’diyi ama aza ko e’yo ewaru sa ’disi ’diyi ma ti tazu, e’yo nezu geri kililiru risi, azini o’azu ayikosi ’dani ’dani.
2. Ewu Biblia ni amani e’yo ecezu drinia ri ngole ri i?
Biblia ece amani “dra ngani ovu dika ku, awu wuza pi, lulu gaza pie, rua suza pie, ngani ovu dika ku.” (Mi la E’yo Eceza 21:4.) E’yo ewaru sa ’disi fepi ama dri ci ekile—alio le, e’yo openduru ri le, azo le, azini dra le—’diyi nga ovu yo. Biblia ece kini ’ba yi nga ayiko zu nyaku dria ’dia paradisia ’dani ’dani.
3. Mi eco mi a’ita si aziza Biblia ni ’diyi ma dria ngoniru?
’Ba kakau leki e’yo onyiru ri ma ’ye i ra, te niki e’yo nde eco i ’ye yini ra ri ku. Te e’yo Biblia ni nze ri ndu. Ama a’ita si e’yo Biblia ni nze ri ma dria amani “e’yo siza ndazu” risi. (’Yeta 17:11) Mini Biblia oni ria, mi nga ne mi eco asi ’ba ewu drusi ri ma dria ra yari.
OVAZU ALI
Mi one aziza Biblia ni fe amani ewu drusi ri ma dria ’diyi ma azi yi. Ine asi ’baza Biblia ma alea ’diyi ’ba yi ma aza ko ria ewu andru ’disi ngoni yari.
4. Biblia ni amani asi ’baza fe idri ’dani ’dani ezata kokoru ri ma dria
Ine nga aziza Biblia ma alea ’diyi. Ngo elo mi asi ni? A’dusi?
Mi la e’yo siza aziza ’diyi ma ageyia ’diyi, zita ’diyi omvizu:
-
Mini ega risi e’yo siza ’diyi amani asi ’baza fe ra ya? Mini ega risi eri asi ’baza fe mi agyi pini, ’ba mi vule akua ’diyi pie ra ya?
Ine nga mi o’a ria wudrikuru
|
’BA DRIA YINI NGAZU AYIKO ZUZU E’YO ’DIYI SI RI MA ALEA . . . |
’BA AZINI DRI CIZU E’YO EWARU ’DIYI SI KU RI MA ALEA . . . |
|---|---|
|
|
|
|
|
|
|
|
|
|
5. Aziza Biblia ma alea ri ni amani ojata eji ra
’Ba kakau yi eca okpo ako si azini aoko si e’yo ewaru eyini ne ’diyi si. ’Ba azi ’diyi okpo ’ba angiri lezu e’yo yi otuzu. Ine aziza Biblia ma alea ngazu e’yo yi ’bazu kililiru ri ni ’ba yi ma aza ko ngoni yari.Mi avi VIDIO ’di, zita ’diyi omvizu.
-
Vidio ’di ma alea, e’yo openduru Rafika ni candi fepi ri ngo i?
-
E’yo openduru erini ne ’dani tro i dezu ku ra ti,Biblia oniza ko eri ma aza ngoniru?
Asi ’baza Biblia ni fe amani ewu drusi ri ma dria ri ni fe amani e’yo ti tazu, azini eri ama aza ko alizu e’yo ewaru ’diyi ma alea si. Mi la E’yo O’beza 17:22 azini ’Ba Rumia ’Diyi 12:12, zita ’diyi omvizu:
-
Mini ega risi, asi ’baza Biblia ma alea ’di eco mi idri otu muke ra ya? A’dusi?
’BA AZI ’DIYI ’YO: “’Ba eco asi ’ba e’yo Biblia ni nze ’diyi ma dria ku.”
-
Eri orodri ru mini e’yo ’diyi onizu mi ngulupi si a’dusi?
’BAZU ALIARU
Biblia ni amani asi ’baza fe azini eri ama aza ko e’yo ewaru ’diyi ma ti tazu erini amani ewu drusi ri ’bazu onyiru risi.
ALENI AMVIZU
-
Le ’ba yi ma oniki e’yo aziza Mungu ni ’diyi ma dria ra a’dusi?
-
E’yo Biblia ni nze ewu drusi ri ma dria ri ngoni?
-
Asi ’baza ewu drusi ri ma dria ri ni ama aza ko sa ’disi ngoniru?
ONIZU ANGIRI
Ine asi ’baza eco mi aza ko e’yo ewaru ma ti tazu ngoni yari.
Ine asi ’baza ewu drusi ri ma dria ri eco ’ba azo onzi pie ’diyi ma aza ko ngoniru yari.
“Ika O’a Azo Onzini Be—Biblia Eco mi Aza ko ra Ya?”(Web article)
Mini ongo ’di ma vidio ne ria, mi o’bi nga mi ne ’ba mi vile akua ’diyi pie ayiko zuria Paradisia.
Mi la nga asi ’baza ewu drusi ri ni Biblia ma alea ri oja agu azi lepi ’ba yi ma idri ojapi ni ma aza ngoniru yari.
“Aku Egata Lezu Wudrikuru ’di Ojazu Kililiru ri Ra” (The Watchtower, July 1, 2013)
