LO TSO LE NGA NARI
Mdo. 17:22, 23
SOMO 5
Heshima na le kʉ nari
Kanuni: “Anibbari ni tso nǎ lo é krʉ ddo ró tho ndi thonga ro.”—Kol. 4:6.
Paulo njingʉe ná lo
1. Anja VIDEO, inga azø Matendo 17:22, 23. Føri goti addinga i ngadhudha djo:
-
Paulo ká mbungʉe ndi ngbaribbai Atene nǎ kali dhi dini nǎ ndrŭ ngʉ nji ná lo ndi njangʉe ro?—Anja Matendo 17:16.
-
Lo ndi d’ie Atene nǎ ndrŭ djo nari rɨngana, ká Paulo njingʉe njí kpa ungʉe ná lo na heshima na ngbaribbai ndiro ndi d’ra hwè lo-i kpa dho d’e?
Ko ká ba ngbá somo Paulo dhó lo nǎ ro?
2. Ri ka ndi é sʉsʉ ndrŭ rr ko d’ra ná lo njati ko vʉ addu ma ko si po ndrŭ dho, ngbaribbai ma, ndirigoti ngbá saa na ma nari nyodyu na ró.
Adyø Paulo
3. Avʉ ngbà ka ndi tho le nyo ná lo. Loroji na, rie nga kʉ Mukristo ná le na ni loti ri ró, ringani ni thɨ ngbaribbai ma ni ka ni nga lotidha tso Biblia djo inga Yesu djo nari thika.
4. Nzɨ di lele ledhó lo thika thɨdha dho. Abbari le po ndi thí nǎ kʉ ná lo. Njati le po nzá gbani Biblia nǎ lo na ná lo ró, nzɨ neri ni ddani dda le na. (Yak. 1:19) Ledhó lo ni di rr ró, ni ka ni chu ngbá lo ma le u nari ndirigoti addudho ma le uri nari.—Mez. 20:5.
5. Ama le ma rie ngbà ri ka ri ró. Njaro le uri u nari kʉ ndidhó dini adi ddi nari kʉ bbʉbbʉlo. Amburi ni tilo le na ni krʉ urie ná lo djo ndirigoti adi le tsotso kó dzodzo nja le famu Biblia ddi ná lo d’e.
GODHÉ ANJA
Mez. 25:15; 2 Ti. 2:23-26; 1 Pe. 3:15
