I kare ma Yecu otuno i Betania acegi kede Jerucalem, a wotere Lajaro onwongo dong oto odoko nine angwen. Yecu owoto ginni Marita kede Maliam, amege a too kan ame oyiko iye Lajaro. I cawa naca, jo ocokere karacel. I twero tamo yomcuny ame Marita kede Maliam obedo kede i kare ame Yecu ocero Lajaro?​—Kwan Lakana 11:21-24, 38-44.

 Marita onwongo dong ngeo amut aber ame kwako jo oto. En ongeo ni Jeova bino cero jo oto me bedo kwo i lobo.​—Kwan Yubu 14:14, 15.

 Dano ocweo kede apua me lobo. (Agege 2:7; 3:19) Dano pe kede ginnoro i kome ame pe to. Otye kede kom me lobo, pi mano pe tye ginnoro ame bwot i komwa ame pe to. Ka oto, adamwa kede tamwa dang to oko. Pi mano, i nge cero Lajaro, en pe okobo ginnoro ame otimere i kare ame en oto pien jo ame oto pe ngeo ginnoro.​—Kwan Jabuli 146:4; Arabkop 9:5, 6, 10.

 Itamo ni Obanga uno jo kun wangogi kede mac i nge to? Kit ame Baibul nyuto kede ni jo oto pe ngeo ginnoro keken-ni, man weko pwony nie, mac me kaping bedo goba ame balo nying Obanga. Kop man me wango jo i mac-ci wango cuny Obanga.​—Kwan Jeremia 7:31.

 Nen video me Jo Ame Oto Tye Ningo?

 Jo oto pe twero kop nyo winyo ginnoro keken. (Jabuli 115:17) Ento tye omalika okene ame kitgi reco. Gin twero kop kede jo kun obwolo jo ni gin obedo dano ame oto ni. (Juda 6) Jeova pe ye ni olok kede jo oto.​—Kwan Lodo Cik 18:10, 11.

 Jo tutumia a pol ata ame tye i lyel obino cerogi me kwo i lobo. Naka jo ame onwongo pe ngeo Obanga ame otimo tim a reco, obino cerogi.​—Kwan Jabuli 37:9; Tic Okwena 24:15.

 Jo ame obino cerogi, bino bedo gini kede kare me pwonyo ateni i kom Obanga, kede kite me keto iyee gi i kom Yecu kun bedo gini owiny bote. (Nyut a Lakana 20:11-13) Jo ame obino cerogi te tiyo gin aber, bino bedo kede yomcuny i lobo pi naka.​—Kwan Lakana 5:28, 29.

 Obanga omio gen me cer twere i beo imiyo wode Yecu Kricito me to pirwa. Dong cer nyuttiwa mar kede kica a Jeova ame pe lokere. Ka ocero jo oto, nga ame imito neno tutwal?​—Kwan Lakana 3:16; Jo Roma 6:23.