7-АВГУСТ, 2023
ФИЛИППИН
«Доксури» супертайфуну Филиппинди жабыркатты
2023-жылы 26-июлда «Доксури» супертайфуну Филиппиндин түндүгүндөгү Апарри шаарына (Кагаян провинциясы) сокку урду. Жергиликтүү эл «Эгай» деп атаган бул чоң тайфун болгондо шамалдын ылдамдыгы саатына 220 километрге жеткен. Анын айынан өлкөнүн көп жерлерин суу каптаган.
Бир туугандарыбызга тийгизген таасири
Өкүнүчтүүсү, 1 ишенимдешибизди (эркек) дарыя агызып кеткен
2 үй катуу жабыркаган
18 үй бир аз зыянга учураган
1 Падышалык залынын анча-мынча жерлери талкаланган
Жардам берүү иштери
Жергиликтүү аксакалдар жабыр тарткандарды Кудайдын Сөзү менен жубатып, колдон келген башка жардамын да көрсөтүп жатышат
Табигый кырсык деген эмне экенин эстебей турган убакты чыдамсыздык менен күтүп жатабыз. Ага чейин Жахаба ар кандай кыйынчылыктарга кабылып жаткандарды соорото береринен эч шектенбейбиз (Забур 94:19).
Сизге булар да кызыктуу болушу мүмкүн
КӨПТӨРДҮ КЫЗЫКТЫРГАН СУРООЛОР
Жахабанын Күбөлөрү кырсыктан жабыр тарткандарга жардам береби?
Кырсык болгондо жабыр тарткан ишенимдештерибизге да, башкаларга да кандайча жардам берерибизди окуп көрүңүз.