Жетектөөчү Кеңештин Басма комитетинин жардамчысы Харолд Коркерн «Бүт күчүңөрдү жумшагыла» деген темада баяндама айтып жатат. Куруучуларды бекемдеш үчүн баяндамалар айтылып турат.

Имарат желим материал менен капталгандыктан, куруучулар кышында да иштей беришет. Имараттын ушул жеринде ашкана, биринчи жардам көрсөтүү бөлүмү, кир жуучу жай жайгашат.

Электриктер чубалгыларды туташтырууга даярдап жатышат. Жатак үйлөрдүн имараттарына 12 000 метрден ашуун чубалгылар туташтырылды. Бул жумуш жер сатылып алынгандан көп өтпөй эле башталып, курулуштун аягына чейин улантылат.

Жумушчу балконду суу өткөрбөй турган материал менен каптаганга чейин желим сызманы чаптап жатат. Үстүнкү кабаттагы балкондор катый элек полиметилметакрилат менен капталат. Ошондо суу өткөрбөгөн кат пайда болот.

Жатак үйлөргө электр жарыгы барышы үчүн, атасы менен кызы чубалгыларды туташтырып жатышат.

Курсагы ачкан куруучулар тамактанып жатышат. Күн сайын 2 000ден ашык кишиге тамак жасалат.

Куруучулар техникалык тейлөөнүн устаканалары жайгаша турган имараттын жер төлөсүнө арматураларды орнотуп жатышат.

Балдардын куруучуларга жазган ыраазычылык каттары. Көптөгөн ыктыярдуу куруучулар кыска мөөнөткө келишет. Жума сайын 500дөй жаңы жумушчу келип турат. Февраль айында курулушта күн сайын 2 500дөй киши иштеп жатты.

Курулуштун дээрлик 60 пайызы бүттү. 2015-жылдын январынан апрелине чейин жатак үйлөрдүн имараттары тургузулуп, Кеңселер/Тейлөө кызматтары жайгашкан имараттын темир каркасы орнотулуп бүттү. Андан сырткары, жумушчулар техникалык тейлөө бөлүмү жайгашкан имараттын бетон дубалдарын орнотуу, жатак үйлөрдүн ортосундагы далистерди бириктирүү, Стерлинг-Форест көлүндөгү дамбаны жаңыртуу иштерин башташты.

Тепкичтин астынан өйдө карагандагы көрүнүшү. Беш кабатка көтөрүлө турган тепкичтин каркасын жалданган жумушчулар орноткон, ал эми бетонун Жахабанын Күбөлөрү куюшкан.

Күн суук болгонуна карабай, куруучулар 1-кабаттын полунун арматураларын орнотуп жатышат. Уорикте январдан мартка чейин дээрлик 127 см кар жаады. Атайын дайындалган жумушчулар курулуш жүргүзүлүп жаткан аймактардагы карды тазалап турушкан. Жумушчулар үчүн жылына турган жерлер даярдалган.

Куруучулар чатырдагы айырмачтарга темир каптап жатышат. Апрелдин аягына чейин чатырдын көп бөлүгү орнотулуп бүткөн. Акыркы чатыр июнь айынын орто ченинде B жатак үйүнө орнотулмак.

Крандын ичинен B жатак үйүнүн көрүнүшү.

Бейтелдиктер үчүн автотурукта турган сантехниктер чиймелерди карап жатышат. Уориктеги курулуш үчүн 3 400дөн ашуун чийме даярдалган.

жумушчулар киши көтөргөн кранга түшүп алып, имаратты ак желим материал менен каптап жатышат. Ушундай кранды жана башка шаймандарды иштеткендер атайы окутулат. Аларга киши көтөргөн кранды башкарганды, бийиктикте иштегенди, негизги коопсуздук эрежелерин, коргоочу бет каптарды колдонгонду жана белгилерди түшүнүүнү үйрөтүшөт.

Жатак үйлөрдүн чыгыштан карагандагы көрүнүшү. Апрелдин аягына чейин бул сүрөттөгү А, В, D жатак үйлөрүнө электр жарыгы, суу түтүктөрү, жылыткыч жана желдеткич жабдыктары орнотулду. Ал эми С жатак үйүндөгү (сүрөттө көрүнбөйт) бөлмөлөр гипсокартон менен бөлүнүп, кафелдери чапталып, дубалдар сырдала башталды.

Киши көтөргөн крандагы эки жумушчу имараттын дубалын ным өткөрө турган, бирок аба өткөрбөй турган сыр менен сырдап жатышат. Бардык жатак үйлөрдүн сыртын сырдоого 2 айдай убакыт кетет.

Жумушчулар таш дубал тургузуп жатышат. Имараттын бул жерине ар кандай жүктөр түшүрүлүп, жүктөлөт жана башка кошумча кызматтар аткарылат.

Жалданган суучул Стерлинг-Форест көлүндөгү түтүктүн эски клапанын алмаштырып жатат. Ошол жабдыктын жардамы менен суунун деңгээлин түшүрсө болот. Куюн болгон маалда анын баскычын басканда суусунун деңгээли ылдыйлап, имараттарды суу каптабайт.