Yesu walonga alandi andi vo ‘ke bakadi ba nza ko.’ (Yoane 15:19) Ediadi disongele vo bafwete kukivambulanga, i sia vo, ke bafwete kuyisianga mu mambu ma tuyalu ko ngatu yikama vita za nza yayi. Kansi, nkumbu miayingi diampasi dikalanga. Kadi wantu balenda kutuveza wau tukukivambulanga ye nza. Aweyi tulenda kukivambulwila ye nza yo tatidila kwikizi kieto kwa Nzambi?

1. Aweyi Akristu akieleka bekadilanga ye ayadi?

Akristu bezitisanga ayadi. Tulemvokelanga nkanikinu wa Yesu wa sia vo, “nuvana kwa Kaisa ina ya Kaisa.” Ediadi disongele vo, tufwete lemvokelanga nsiku mia nsi tuzingilanga nze emi mivavanga vo twafutanga e mpaku. (Maku 12:17) Bibila kikutulonganga vo Yave oyambulanga vo ayadi bayala. (Roma 13:1) Muna kuma kiaki, tubakulanga vo e wisa kia ayadi kina ye tezo. Tubundanga e vuvu vo Nzambi kaka ye Kintinu kiandi kia zulu kifokola mpasi za wantu.

2. Aweyi tusongelanga vo tukuyivambulanga ye nza?

Nze Yesu, ke tuyikamanga mambu ma tuyalu ko. Vava wantu bamona masivi Yesu kavanga, bavava kunkitula se ntinu au, kansi katambulwila ko. (Yoane 6:15) Ekuma? Yesu wavova vo: “E Kintinu kiame ke kia nza yayi ko.” (Yoane 18:36) Wau vo tu alongoki a Yesu, tusonganga vo tukukivambulanga ye nza muna mpila zayingi. Muna bonga e nona, ke tukwendanga mu vita ko. (Tanga Mika 4:3.) Tuzitisanga sinsu ya nsi nze bandeira, kansi ke tusambilanga yo ko. (1 Yoane 5:21) Ke tuyikamanga yimvuka ya tuyalu ko ngatu sola mfumu oyala. Muna mpila yayi ye zankaka, tusonganga kwikizi kieto muna luyalu lwa Nzambi, i sia vo, Kintinu kiandi.

 ZAYA DIAKA MANKAKA

3. Akristu akieleka ke bekuyi-sianga mu mambu nza ko

Yesu ye alandi andi batusisila e mbandu ina tufwete landa. Tanga Roma 13:1, 5-7 ye 1 Petelo 2:13, 14. I bosi, tala e VIDEO, yo vana e mvutu za yuvu ilende.

• Ekuma tufwete zitisilanga tuyalu twa wantu?

• Mu nkia mpila tusongelanga vo tukubazitisanga?

Nsi zankaka zivovanga vo ke zikuyisianga mu mambu ma vita ko, kansi muna ntangw’a vita, beyikamanga e buka inuananga. Ozevo, o lembi kuyisia mu mambu ma nza, aweyi disongele? Tanga Yoane 17:16. I bosi, tala e VIDEO yo vana e mvutu za kiuvu kilende.

• O kukivambula ye nza, aweyi disongele?

Adieyi tuvanga avo ayadi batulombele vo twavanga diambu dikululanga nsiku mia Nzambi? Tanga Mavangu 5:28, 29. I bosi, tala e VIDEO yo vana e mvutu za yuvu ilende.

• Avo nsiku mia wantu ke mina ngwizani ko ye nsiku mia Nzambi, nsiku mia nani tufwete lemvokela?

• Nga olenda yindula diambu dimosi dilenda fila Akristu mu lembi lemvokela ayadi?

 4. Uyivambula ye nza muna ngindu ye mavangu

Tanga 1 Yoane 5:21. I bosi, tala e VIDEO yo vana e mvutu za yuvu ilende.

• Muna video otadidi, ekuma mpangi Ayenge kabakila e nzengo zalembi yikama kimvuka kia luyalu lwa nsi au yovo zalembi vanga mambu mankaka nze kunda bandeira?

• Nga obenze vo e nzengo kabaka zambote?

Nkia mambu mankaka malenda tonta e nzengo zeto za kuyivambula ye nza? Tala e VIDEO, i bosi, vana e mvutu za yuvu ilende.

• Aweyi tulenda kuyivambulwila vava tutalanga e nsaka za buka ya nsi zayingi?

• Aweyi tulenda kwamanena kuyivambula kana nkutu vava ayadi bebakanga nzengo zilenda kututwasila nluta yovo mfwilu?

• E fu kia wa nsangu za mambu ma tuyalu yovo kala vamosi yo wantu bezolanga mo vovela, adieyi dilenda vanga kwa yeto?

 MAMBU MASINA MA LONGI DIADI

Akristu bevanganga e ngolo muna lembi kuyisia muna mambu ma tuyalu, kiakala muna ngindu, mvovo ye mavangu.

Nkia Mambu Olongokele?

• Nki tufwete vana kwa ayadi?

• Ekuma ke tukuyisilanga muna mambu ma tuyalu ko?

• Nkia mambu malenda tonta e nzengo zeto za kuyivambula ye nza?