NKUNGA 55
Ke Nubamoni Wonga Ko!
-
1.Nkangu ame nusamuna,
E nsangu za Kintinu.
Ke numoni wonga ko.
Nuzayisa kw’awonso
Yesu Kristu Mwan’a Nzambi,
Kuna zulu vetele,
Satana wa ntantu’a Nzambi,
Ofwaswa yakwele mvu.
(MVUTUKILU)
Ke nubamoni wonga ko,
Vo bekunuvumisa
Selo yame yakwikizi
Omono i mvuluzi.
-
2.Selo yame mbeni zeno,
Ndonga bena ova nza,
Balenda kunuveza,
Yovo kunubangika.
Ke numoni wonga ko,
Selo yame yakwikizi,
Kwikizi kieno nusimbinina
Yanuvuluza.
(MVUTUKILU)
Ke nubamoni wonga ko,
Vo bekunuvumisa
Selo yame yakwikizi
Omono i mvuluzi.
-
3.Mono swekameno dieno;
Kikunuyambula ko.
Kana nkutu nufwidi,
Ke nuvilakanwa ko.
Ke nubamoni wonga ko
Mono tuku dia moyo.
Yaku mbaninu nuzindalala;
Yanusambula!
(MVUTUKILU)
Ke nubamoni wonga ko,
Vo bekunuvumisa
Selo yame yakwikizi
Omono i mvuluzi.
(Tala mpe Nsi. 32:10; Nek. 4:14; Nku. 59:1; 83:2, 3.)
