Yamekuminaka nge deja nge mona mpasi na kubambuka na verse mosi ya Biblia yina nge kezolaka? Yalenda vuanda verse mosi yina kebombaka nge, yina kesadisaka nge nge katula makanisi ya yimbi, to yina nge kele na nsatu ya kumonisina muntu. (Nz. 119:11, 111) Tala mua makanisi yina lenda sadisa nge samu nge bambuka na baverse ya Biblia.

• Sadila aplikasion JW Library. Sala kategori na nkumbu ya “Baverse yina munu kezolaka,” mpe sonikaka na kitini yango baverse nionso yina nge kevuanda na nsatu ya kubambuka na yau.

• Sonika verse na kisika yina nge lenda mona yau na pete. Sonika verse yina nge kele na nsatu ya kubambuka na yau na kitini ya papie, mpe tula yau na kisika yina nge kemona yau mbala na mbala. Bantu yankaka ketulaka yau na pembeni ya ditalatala na bau; bantu yankaka ketulaka yau na porte ya frigo na bau. Kasi bantu yankaka kebakaka foto ya verse mpe baketulaka yau na ntuala ya ordinatere to ya telefone na bau.

• Sadila mua bitini ya papie. Sonika verse yango na ndambu mosi mpe bampova ya verse yango na ndambu yankaka. Na manima meka kutuba bampova ya verse mosi na kutalaka kaka verse yango, to meka kutuba verse yango na kutalaka kaka bampova.