တၢ်အဒိအတဲာ်လၢ လံာ်စီဆှံပူၤ–

• မး ၁၆:၁၃-၁၇—တၢ်မၢဖိပ့းတရူး ပာ်ဖျါထီၣ်ဝဲလၢ ယ့ၣ်ၡူးန့ၣ်အမ့ၢ်ခရံာ် ဒီးအကဲ ကစၢ်ယွၤအဖိခွါ.

• မး ၁၇:၁-၉—ယ့ၣ်ၡူးလဲလိာ်အသးလၢ အတၢ်မၢဖိသၢဂၤအမဲာ်ညါ ဒီးလၢမူခိၣ်န့ၣ် ယဟိဝၤယွၤ အကလုၢ်သီၣ်ထီၣ်လၢ ယ့ၣ်ၡူးမ့ၢ်အဖိခွါ.

 တၢ်အဒိအတဲာ်လၢ လံာ်စီဆှံပူၤ–

• မး ၂၁:၁-၉—ဖဲယ့ၣ်ၡူးလဲၤနုာ်လီၤလၢ ယရူၤၡလ့ၣ် ဒီးဒိးဝဲကသ့ၣ်ယီၤအခါ အမၤလၢပှဲၤထီၣ်ဝဲ ဝံအတၢ်စံးပာ်လၢအမ့ၢ် ယဟိဝၤယွၤ ဃုထၢထီၣ်ဝဲ ယ့ၣ်ၡူးလၢစီၤပၤ.

• ဧ့ၤ ၇:၂၆-၂၈—တၢ်မၢဖိပီလူး တဲဝဲလၢ ယ့ၣ်ၡူးမ့ၢ်ဝဲ ပှၤလုၢ်တၢ်ခိၣ်အဒိၣ်ကတၢၢ် ဒီးအလီၤဆီန့ၢ်ဒံး ပှၤလုၢ်တၢ်ခိၣ်အဒိၣ်ကတၢၢ် လၢအဂၤတဖၣ်.

တၢ်အဒိအတဲာ်လၢ လံာ်စီဆှံပူၤ–

• မး ၄:၂၃, ၂၄—ယ့ၣ်ၡူးပာ်ဖျါထီၣ်လၢ အစိကမီၤဒိၣ်န့ၢ်ဒံး တၢ်ဝံတၢ်နါ ဒီးအမၤဘျါက့ၤတၢ်ဆါ တမံၤဂ့ၤတမံၤဂ့ၤသ့ဝဲ.

• မး ၁၄:၁၅-၂၁—ယ့ၣ်ၡူးလုၢ်အီၣ်လုၢ်အီ ပှၤဂီၢ်မုၢ်လၢအကထိတဖၣ်လၢ ကိၣ်ယဲၢ်လိၣ် ဒီးညၣ်ခံဘ့ၣ်.

• မး ၁၇:၂၄-၂၇—ဒ်သိး တကဲထီၣ် တၢ်လီၤဃံၢ်လၢ ပှၤအဂၤအဂီၢ်တဂ့ၤန့ၣ် ယ့ၣ်ၡူးမၤတၢ်လီၤလး ဒီးအမၢဝဲစီၤပ့းတရူး လဲၤဟ့ၣ်လီၤစ့လၢ တၢ်ခိတၢ်သွဲအဂီၢ်.

• မၢ် ၁:၄၀, ၄၁—ဖဲပှၤဘၣ်တၢ်ဆါအၢတဂၤ ဃ့ကညးယ့ၣ်ၡူးအခါ ယ့ၣ်ၡူးသးကညီၤဘၣ်အီၤ ဒီးမၤဘျါက့ၤ အတၢ်ဆါ.

• မၢ် ၄:၃၆-၄၁—ယ့ၣ်ၡူးမၤဂၢၢ်ထီၣ် ကလံၤမုၢ် ဒီးပာ်ဖျါထီၣ်ဝဲလၢ ယဟိဝၤယွၤ အိၣ်ဒီးတၢ်စိတၢ်ကမီၤလၢ တၢ်ဘၣ်တ့တဖၣ်အဖီခိၣ်.

• ယိၤ ၁၁:၁၁-၁၅, ၃၁-၄၅—ယ့ၣ်ၡူးဟီၣ်ဝဲလၢ အသကိး စီၤလါစရူး သံဝဲအဃိ. ဒီးယ့ၣ်ၡူးပာ်ဖျါထီၣ်ဝဲလၢ အသးဟ့တၢ်သံ ခီဖျိလၢ တၢ်သံန့ၣ် အမၤဘၣ်ဒိ ပှၤဟီၣ်ခိၣ်ဖိအဃိ. ဒီးလၢခံ ယ့ၣ်ၡူးမၤမူထီၣ်က့ၤ စီၤလါစရူး.

 တၢ်အဒိအတဲာ်လၢ လံာ်စီဆှံပူၤ–

• စံး ၄၅:၂-၇, ၁၆, ၁၇—ပှၤကွဲးထါစံးထီၣ်ပတြၢၤတဂၤအံၤ ပာ်ဖျါထီၣ်ဝဲလၢ စီၤပၤလၢ ကစၢ်ယွၤ ဃုထၢထီၣ်ဝဲတဂၤန့ၣ် အကမၤဟးဂီၤကွံာ် ဒုၣ်ဒါတဖၣ်ခဲလၢာ်. တကးဒံးဘၣ် အအိၣ်ဒီး တၢ်ဆီၣ်လီၤသး ဒီးအကပၢတၢ်လၢ တၢ်တီတၢ်လိၤအပူၤ.

• ၡါ ၁၁:၁-၁၀—ဖဲယ့ၣ်ၡူးပၢတၢ် ဒ်စီၤပၤအခါ ဟီၣ်ခိၣ်ကပှဲၤဒီး တၢ်မုာ်တၢ်ခုၣ် ဒီးကကဲထီၣ်ပၤရဒံစူး.