ကစၢ်ယွၤအတၢ်ဘၣ်သး မ့ၢ်မနုၤလဲၣ်
ကစၢ်ယွၤအဲၣ်ဒိးလၢ ပကအိၣ်မူဘၣ်လၢ တၢ်ဃူတၢ်ဖိးဒီး တၢ်သူၣ်ခုသးခုလၢ ဟီၣ်ခိၣ်ပၤရဒံစူးအပူၤ လီၤထူလီၤယိာ်လီၤ.
ဘၣ်သ့ၣ်သ့ၣ် နကဆိကမိၣ်လၢ ‘တၢ်အံၤကဲထီၣ်အသး ကသ့ဒ်လဲၣ်’ န့ၣ်လီၤ. ဘၣ်ဆၣ်လံာ်စီဆှံစံးဝဲဒၣ်လၢ ယွၤအဘီအမုၢ်ကမၤလၢပှဲၤထီၣ်ဝဲ တၢ်သ့ၣ်တဖၣ်အံၤန့ၣ်လီၤ. ဒီးယွၤအတၢ်ဘၣ်သးမ့ၢ်ဝဲဒၣ်လၢ ပှၤခဲလၢာ်ကမၤလိဘၣ် ယွၤအဘီအမုၢ်အဂ့ၢ် ဒီးကစၢ်အတၢ်တိာ်ပာ်လၢ ပှၤဟီၣ်ခိၣ်ဖိအဂီၢ်န့ၣ်လီၤ.—စံးထီၣ်ပတြၢၤ ၃၇:၁၁, ၂၉; ယၡါယၤ ၉:၇.
ကစၢ်ယွၤအဲၣ်ဒိးလၢ ပကဒိးန့ၢ်ဘၣ် တၢ်အဘျုးလီၤ.
ဒ်ပၢ်လၢအဂ့ၤတဂၤ အဲၣ်ဒိးတၢ်လၢအဂ့ၤကတၢၢ်လၢ အဖိတဖၣ်အဂီၢ်အသိး ပပၢ်အိၣ်လၢမူခိၣ်စ့ၢ်ကီး အဲၣ်ဒိးလၢပကအိၣ်ဒီး တၢ်သူၣ်ခုသးခုထီဘိလီၤ. (ယၡါယၤ ၄၈:၁၇, ၁၈) ကစၢ်အၢၣ်လီၤပာ်ဝဲလၢ “မ့မ့ၢ်ပှၤမၤဖဲယွၤအသးန့ၣ်, ကအိၣ်ကဆိးလီၤထူလီၤယိာ်လီၤ.”—၁ ယိၤဟၣ် ၂:၁၇.
ကစၢ်ယွၤအဲၣ်ဒိးလၢ ပကလဲၤတၢ်ဒ် အကျဲဧိၤကပူၤဧိၤအသိးလီၤ.
လံာ်စီဆှံစံးဝဲဒၣ်လၢ ပတၢ်ဘၣ်တ့ကစၢ်န့ၣ်အဲၣ်ဒိး “နဲၣ်လိပှၤလၢအကျဲတဖၣ်” လၢ “ပကပိာ်အကျဲဧိၤကပူၤဧိၤ” အဂီၢ်လီၤ. (ယၡါယၤ ၂:၂, ၃) ကစၢ်ယွၤကရၢကရိထီၣ်ဝဲ “ပှၤတကလုာ်လၢအမံၤအဂီၢ်” ဒ်သိးကဒုးသ့ၣ်ညါပှၤဂၤလၢ ကစၢ်ယွၤအတၢ်ဘၣ်သးလၢ ဟီၣ်ခိၣ်ဒီဘ့ၣ်ညါလီၤ.—မၤတၢ် ၁၅:၁၄.
ကစၢ်ယွၤအဲၣ်ဒိးလၢ ပကဘူၣ်ထီၣ်ဘါထီၣ်အီၤလၢ တၢ်ဃူတၢ်ဖိးအပူၤလီၤ.
တၢ်ဘူၣ်ထီၣ်ဘါထီၣ် ယဟိဝၤယွၤန့ၣ် တမ့ၢ်တၢ်လၢအမၤလီၤဖး ပှၤကညီတဖၣ်ဘၣ်. လၢတၢ်န့ၣ်အလီၢ် ဒုးအိၣ်ထီၣ်တၢ်ဃူတၢ်ဖိးလၢ တၢ်အဲၣ်တၢ်ကွံအပူၤနီၢ်နီၢ်လီၤ. (ယိၤဟၣ် ၁၃:၃၅) မုၢ်မဆါတနံၤအံၤ ပှၤပိာ်မုၣ်ဒီးပိာ်ခွါတဖၣ် လၢအအိၣ်လၢတၢ်လီၢ်ကိးပူၤဒဲးန့ၣ် မ့ၢ်မတၤတဖၣ်သိၣ်လိအဝဲသ့ၣ်လၢ ကမၤယွၤအတၢ်မၤလၢ တၢ်ဃူတၢ်ဖိးအပူၤန့ၣ်လဲၣ်. ပကွဲမုာ်ဘၣ်နၤလၢ နကသူလံာ်အံၤလၢနကဃုကွၢ် တၢ်စံးဆၢအဂီၢ်န့ၣ်လီၤ.
တၢ်ဂ့ၤအဂၤလၢ နကဘၣ်သး
ဘၣ်ဃးဒီးပှၤ
တၢ်မၤလိလံာ်စီဆှံန့ၣ် ပှၤမၤအီၤဒ်လဲၣ်
ဟီၣ်ခိၣ်ဒီဘ့ၣ်, ယဟိဝၤပှၤအုၣ်အသးတဖၣ် ဘၣ်တၢ်သ့ၣ်ညါအီၤ ခီဖျိတၢ်မၤလိလံာ်စီဆှံလၢ အဘူးအလဲတအိၣ် တၢ်ရဲၣ်တၢ်ကျဲၤအံၤအဃိလီၤ. ပှၤမၤဒ်လဲၣ် ကွၢ်တက့ၢ်.
ဘၣ်ဃးဒီးပှၤ
ဘၣ်မနုၤအဃိ ဘၣ်မၤလိလံာ်စီဆှံလဲၣ်—အထီ
လံာ်စီဆှံမၤစၢၤ ပှၤလၢအကကွဲၢ်တဖၣ် ဒ်သိးကသ့ၣ်ညါဝဲ တၢ်သံကွၢ်လၢ အရ့ဒိၣ်တဖၣ်အံၤအတၢ်စံးဆၢလီၤ
