EV ÇIMA MUHIM E? Gelek kesên ku guh didin mizgîna Padîşahiyê li rastiya Xwedê digerin (Îş 55:6). Ji bo ku em karibin rastiyê ji wan re bielimînin, gerek em dîsa û dîsa herin ba wan. Derdê her kesî cuda ye, loma em nikarin her tim eynî tiştan bibêjin. Dîsa jî, wê baş be ku em rind haziriyê bikin û ji bo her ziyaretê planan çêkin. Armanca me jî ev e ku em dest bi kursa Kitêba Pîroz bikin.

ÇAWA TÊ KIRIN?

• Dereng nemîne. Di nava çend rojan de here (Mt 13:19).

• Nazik û hurmetdar be. Dilrihet be.

• Serê pêşîn ji dil silav bike. Navê xwediyê malê bîne ziman. Bibêje ku tu çima hatiye. Mesela, dibe ku tu dixwazî cewaba pirsekê bidî, kovara nû bidî, malpera me nîşan bidî, vîdeoyekê lêdî an nîşan bidî ku kursa Kitêba Pîroz çawa tê îdare kirin. Eger xwediyê malê dixwaze li ser mijareke din sohbet bike, pêşkêşa xwe biguherîne (Flp 2:4).

• Av bide tovê rastiyê yê ku li dilê xwediyê malê hatiye çandin. Ji bo vê, ayetekê bixwîne û belkî jî weşanekê bide (1Kr 3:6). Pê re eleqedar be.

• Ji bo ziyareteke din zemîn çêke.