Siulersui­soqatigiin­nut ilaap­put kristumiut inersimal­luar­tut ikit­tun­nguit silarsuaq tamak­kerlugu Jehovap Nalunaajaasuinik siun­nersuil­lutil­lu ilitsersuisar­tut. Suliaat marlun­nut ukunun­nga im­mik­koor­tin­neqarsin­naap­put:

•   Jehovap Nalunaajaasuisa Biibililersaaruter­pas­sui, ataatsimiin­neri ilin­niarfiilu aq­qutigalugit ilin­niar­titsis­sutis­sanik Biibilimik tun­ngaveqar­tunik piareersaanermik nak­kutil­liip­put. – Lukasi 12:42.

•   Jehovap Nalunaajaasuisa silarsuaq tamak­kerlugu suliaan­nik aaq­qis­suus­sip­put tamanut oqaluus­sinermik siulersuinermik­kut aam­ma tunis­sutigineqar­tut sumut ator­neqar­neran­nik angutinil­lu piumasaqaatinik eq­qor­titsisunik akisus­saaf­feqalersus­sanik toq­qaanermik nak­kutil­liinik­kut.

 Kristumiut siul­liit nalaan­ni ‘apustilit utoq­qaaner­tal­lu Jerusalemimiit­tut’ ilagiit kristumiut tamaasa sin­nerlugit pingaarutilin­nik aalajangiisar­put, Siulersuisoqatigiil­lu taak­kua maligas­siaan­nik malin­nip­put. (Apustilit Suliaat 15:2) Angutit aalajaatsut taak­kua pisimanerat­tut, Siulersuisoqatigiit siulersorluar­neqarumal­lutik Biibili misis­sor­tar­paat paasil­luaramik­ku Jehovap Guutip Jiisusi Kristusi ilagiin­ni siut­tuusus­satut toq­qagarigaa. – 1 Korinthimiut 11:3; Efesosimiut 5:23.

 Siulersuisoqatigiin­nut ilaasor­taasut ukuup­put: Kenneth Cook, Jr., Gage Fleegle, Samuel Herd, Geoffrey Jackson, Jody Jedele, Stephen Lett, Gerrit Lösch, Jacob Rumph, Mark Sanderson, David Splane, aamma Jeffrey Winder. Taak­ku qul­lersaqarfitsin­ni Warwickimi New Yorkimiit­tumi kif­far­tor­put.

 Siulersuisoqatigiit suliavut nak­kutigineqaq­qul­lugit arfinilin­nik ataatsimiititalior­titsisimap­put, ilaasor­taasul­lu tamarmik im­mik­kut ataatsimiititaliami ataatsimi arlalin­niluun­niit kif­far­tor­put.

•   Ataqatigiis­saari­sunut Ataatsimii­titaliaq: Tas­san­nga sulias­sat inatsisilerinermut tun­ngasut nak­kutigineqar­tar­put, aam­ma ajunaar­nersuaqar­til­lugu, Jehovap Nalunaajaasui upperisartik pillugu maler­sugaatil­lugit Jehoval­lu Nalunaajaasuinut tun­ngasunik al­lanik pinar­toqar­til­lugu ataatsimiititaliaq taan­na iliuuseqaq­qaar­tuusar­poq.

•   Sulisoqar­nermut Ataatsimii­titaliaq: Tas­san­nga Betelimi kif­far­tor­tunik isumas­suineq nak­kutigineqar­poq.

•   Saq­qum­mersitsisar­nermut Ataatsimiititaliaq: Tas­san­nga Biibililersaarutinik naqiteril­lunilu nas­sius­suineq aam­ma ataatsimiit­tarfin­nik, nutserivin­nik im­mik­koor­tor­taqarfin­nil­lu sanaar­tor­neq nak­kutigineqar­put.

•   Kif­far­tor­nermut Ataatsimii­titaliaq: Tas­san­nga Guutip naalagaaf­fia pil­lugu nutaarsias­samik nuan­nersumik oqaluus­sis­sutigin­nin­ner­put nak­kutigineqar­poq. – Mat­thæusi 24:14.

•   Ilin­niar­titaanermut Ataatsimiititaliaq: Ataatsimiin­ner­ni, ilin­niarfin­ni aam­ma tusar­naagas­siatigut isigin­naagas­siatigul­lu ilin­niar­titsis­sutis­sanik Biibilimut tun­ngasunik piareersaaneq tas­san­nga siulersor­neqar­tar­poq.

•   Aaq­qis­suisoqar­nermut Ataatsimii­titaliaq: Naqitatigut nit­tar­tak­katsigul­lu ilin­niar­titsis­sutis­sanik Biibilimut tun­ngasunik piareersaaneq tas­san­nga siulersor­neqar­tar­poq, aam­ma nutserineq nak­kutigineqar­tar­poq.

 Siulersuisoqatigiit ataatsimiititaliani taak­kunani sulinermik saniatigut peqatigiis­sor­tat sunik pisariaqar­titsinerat eq­qar­tor­niarlugu sapaatit-akun­neri tamaasa ataatsimeeqatigiit­tar­put. Siulersuisoqatigiit ataatsimiin­nermin­ni Biibilimi al­las­simasut eq­qar­tor­tar­paat Guutil­lu anersaavanit il­ler­nar­tumit siulersor­neqarumasarlutik, isumaqatigiil­lutik aalajangiinis­sar­tik anguniarlugu. – Apustilit Suliaat 15:25.

 Siulersuisoqatigiit ataatsimiiti­taliaan­ni ikiortit kristumiuup­put tatiginar­tut. (1 Korinthimiut 4:2) Taak­ku ataatsimiititaliami aalajangersimasumi ikiortaasus­san­ngor­tin­neqar­tar­put, ataatsimiititaliamit akisus­saaf­figineqar­tunik suliaqar­nis­samut pigin­naasaqarlutil­lu misilit­tagaqar­tarlutik ataatsimiititalial­lu sapaatip-akun­neranoor­tumik ataatsimiin­neranut peqataasarlutik. Ikiortit aalajangeeqataasan­ngik­kaluarlutik siun­nersuil­lutil­lu paasis­sutis­seeriaan­naasar­put, ataatsimiititaliap aalajangigaanik piviusun­ngor­titsisarlutik piviusun­ngor­tin­neralu kinguneqarluar­nersoq misis­sor­tarlugu. Aam­ma Siulersuisoqatigiin­nit qin­nuigineqarsin­naasar­put silarsuaq tamak­kerlugu qatan­ngutigiis­suit iluaqutis­saan­nik nunanut al­lanut tikeraaq­qul­lugit imaluun­niit ukiumoor­tumik ataatsimiin­nermi Gileadimiluun­niit naggataar­nersior­nermi oqalugiaq­qul­lugit.