جاستاردىڭ ساۋالدارى
كيەلى كىتاپتىڭ ماعان قانداي پايداسى بار؟ كيەلى كىتاپتى قىزىقتى ەتىپ وقي ٴبىل (2-ٴبولىم)
«كيەلى كىتاپتى قالاي وقۋ كەرەكتىگىن بىلمەسەڭ، ول ساعان قىزىقسىز بولىپ كورىنۋى مۇمكىن» (ۋيلل، 18 جاستا).
كيەلى كىتاپتى قىزىقتى قىلىپ وقۋدىڭ سىرىن بىلگىڭ كەلە مە؟ بۇل ماقالاداعى كەڭەستەر ساعان پايداسىن تيگىزەدى.
جازبالارعا جان ٴبىتىر
وقىپ جاتقاندارىڭدى ەلەستەت. بۇل ٷشىن بىلاي ىستەسەڭ بولادى:
كيەلى كىتاپتان ٴبىر ٷزىندىنى تاڭداپ ال. وزىڭە قىزىقتىسىن تاڭدا. بۇل ٷشىن كيەلى كىتاپتاعى ٴبىر وقيعانى نەمەسە يسانىڭ قىزمەتى جايلى ىزگى حابارلاردان ٴبىر ٷزىندىنى وقىساڭ بولادى. يا بولماسا jw.org تور بەكەتىندەگى «كيەلى كىتاپتى كوركەمدەپ وقۋ» ساناتىنداعى اۋديوجازبالاردىڭ بىرەۋىن تىڭدا.
ەندى ٷزىندىنى وقىپ شىق. تاڭداپ العان وقيعانى ٴبىر ٶزىڭ نەمەسە دوستارىڭمەن يا وتباسىڭمەن بىرگە داۋىستاپ وقىعانىڭ جاقسى. ٴبىر ادام اۆتوردىڭ ٴسوزىن وقىسا، باسقالارى سونداعى كەيىپكەرلەردىڭ سوزدەرىن ٴبولىپ وقي الادى.
كەلەسى ادىستەردىڭ بىرەۋىن نە بىرنەشەۋىن قولدان:
وقيعانى قاعاز بەتىنە ٴتۇسىرىپ، سۋرەت سالىپ كور. يا بولماسا وقيعانىڭ اعىمىن كورۋ ٷشىن بىرنەشە قاراپايىم سۋرەتتەر سالساڭ بولادى. ٵربىر سۋرەتتىڭ قاسىنا وندا نە بولىپ جاتقانىن جازىپ قوي.
سىزبا جاسا. مىسالى، ادال كەيىپكەر تۋرالى وقىعاندا، ونىڭ جاقسى قاسيەتتەرى مەن ىستەرىن يە بولعان باتالارىمەن بايلانىسىن سىزىپ كورسەتسەڭ بولادى.
وقيعانى جاڭالىقتار سياقتى ايتىپ جەتكىز. جاعدايدى جان-جاعىنان اشىپ بەرۋگە تىرىس. باستى كەيىپكەرلەر مەن كۋاگەرلەردەن سۇحبات الساڭ بولادى.
ەگەر وقيعاداعى كەيىپكەرلەردىڭ ٴبىرى اقىلسىز ارەكەت جاساپ قويعان بولسا، جاعداي باسقاشا ورىن العاندا، نە بولۋى مۇمكىن ەكەنىن ەلەستەتىپ كور. مىسالى، پەتىردىڭ يسادان تانعان جەرىن قاراستىرىپ كور (مارقا 14:66—72). پەتىر سول جاعدايدا قالاي دۇرىس ارەكەت ەتە الار ەدى؟
ەگەر قيىن بولماسا، كيەلى كىتاپتىڭ ٴبىر ۇزىندىسىنە سۇيەنىپ، دراما جازساڭ بولادى. سودان قانداي ساباق الۋعا بولاتىنىن دا جازۋدى ۇمىتپا (ريمدىكتەرگە 15:4).
سەن جازبالارعا جان بىتىرە الاسىڭ!
ىزدەنىس جۇرگىز!
ەگەر سەن وقيعانىڭ ۇساق-تۇيەك جەرىنە نازار اۋدارساڭ، ونداعى جاسىرىن اسىل تاستاردى تابا الاسىڭ. كەيدە كيەلى كىتاپتاعى ٴبىر-ەكى ٴسوزدىڭ استارىندا ۇلكەن ماعىنا جاتادى.
مىسالى، ماتاي 28:7 ٴنى مارقا 16:7-مەن سالىستىرىپ كور.
نەگە مارقا ٶزىنىڭ كىتابىندا يسانىڭ شاكىرتتەرىمەن قوسا «پەتىرگە» دە كورىنەتىنىن ايتقان؟
كومەك: مارقا سول جاعدايلاردى ٶز كوزىمەن كورمەگەن؛ بۇل تۋرالى ول پەتىردەن ەستىسە كەرەك.
جاسىرىن اسىل تاس: يسا ٶزىن قايتادان كورگىسى كەلەتىنىن ەستىگەندە، نەگە پەتىر جۇباندى دەۋگە بولادى؟ (مارقا 14:66—72). پەتىردىڭ ناعىز دوسى ەكەنىن يسا قالاي دالەلدەدى؟ سەن قالاي يساعا ەلىكتەپ، وزگەلەرگە ناعىز دوس بولا الاسىڭ؟
جازبالارعا جان بىتىرەر بولساڭ جانە ۇساق-تۇيەك مالىمەتتەرگە نازار اۋدارساڭ، ونى وقۋ الدەقايدا قىزىقتى بولادى!
قىزىقتى بولار مالىمەتتەر
جاستاردىڭ ساۋالدارى
كيەلى كىتاپتىڭ ماعان قانداي پايداسى بار؟ كيەلى كىتابىڭمەن جاقسىراق تانىس (1-ٴبولىم)
سەن قازىنا سالىنعان ٴبىر ۇلكەن كونە ساندىق تاۋىپ الدىڭ دەلىك. ونى اشىپ كورگىڭ كەلمەس پە ەدى؟ كيەلى كىتاپ سونداي ساندىق سياقتى. وندا نەشە ٴتۇرلى قۇندى اسىل تاستار بار.
جاستار
جۇمىس داپتەرى
كيەلى كىتاپتا جازىلعان وقيعالاردى كوز الدىمىزعا ەلەستەتۋگە كومەكتەسەتىن تاپسىرمالار.
