Jeová tỹ ẽg mỹ nén ũ há tãvĩ nĩm ja: ẽg tỹ jagnẽ mré vĩn kỹ. Ẽg tỹ jagnẽ nén ũ to mré vĩ kỹ, ti mỹ tag to kanẽ jur tĩ? Háv! (Tiago 1:26 le kem nĩ.) Kỹ ẽg tỹ nén ũ ag tỹ ne tugtó ke nỹtĩ, ẽg tỹ ti mỹ há han jé?

1. Ẽg hã ri ken kỹ jagnẽ mré vĩ ke nỹtĩ?

Topẽ Vĩ Rá vỹ ke tĩ, ẽg tỹ ‘jagnẽ jyvẽn nỹtĩ jé, ẽg tỹ tar nỹtĩ jé’. (1 Tessalônica 5:11) Ã mỹ ũn tỹ vẽnh vĩ há mẽg ke nĩ ũ mĩ ãkrén tĩ? Ã ne han ke nĩ, ã tỹ ti ajũna ke jé? Ã tỹ ti mỹ ven ke nĩ, ã tỹ ti to kanẽ jur tĩ. Kejẽn ã tỹ ti nén ũ e ki há nĩ to mỹ vĩ há han tĩ. Topẽ Vĩ Rá ki, vẽnh rá ũ ti mỹ le kem nĩ, ã tỹ ti tar han jé. Mĩ ãkrén nĩ, ã tỹ komẽr hã tugtó kỹ, ã tỹ ũn ag ajũna ke tĩ. Tag tugnĩn, to vãsãn nĩ, ã tỹ ge han jé. — Provérbios 15:1.

2. Ẽg tỹ nén ũ ag tỹ ne tugtó ke tũ nỹtĩ?

Topẽ Vĩ Rá vỹ kãmén tĩ: “Vẽnh vĩ kórég tó sór tũg nĩ.” (Éfeso 4:29 le kem nĩ.) Kỹ ẽg pi jagnẽ mré vĩ tĩ, vẽnh vĩ kónãn ag to, ke tũ nĩn kỹ, ẽg pi vẽnh vĩ kórég tugtó tĩ, ũn mỹ kórég han jé. Kar sir, ẽg pi ũn ag to vĩ tĩ, kar ẽg pi ũn to vĩ kónãn tĩ gé. — Provérbios 16:28 le kem nĩ.

3. Ne nỹ ẽg ajũna ke tĩ, ẽg tỹ jagnẽ mré vĩ há nỹtĩ jé?

Ẽg fe kã kã nĩ ãn tó ẽg tỹ tĩ, kar ẽg jykre kã nĩ nĩ gé. (Lucas 6:45) Tag tugnĩn, ẽg tỹ vãsãnsãn ke nỹtĩ, ẽg tỹ nén ũ há ag to jykrén jé, ‘vẽjykre kuryj to, nén ũ jãnhkri to, nén ũ sĩnvĩ kar to kar tag kar to ẽg tóg: “sér ti tĩ,” he tĩ.’ (Filipos 4:8) Vẽnh jyvãn há tag tỹ, ẽg tỹ vẽnh kanhinnhir to jykrén há han ke nỹtĩ kar ẽg mré ke ag kuprẽg há han ke nỹtĩ gé. (Provérbios 13:20) Ã tỹ ũn mỹ nén ũ to tó ke jo, ha to ãkrén nĩ, ã tỹ tag tón kỹ, ti ne ãkrén tag to. Topẽ Vĩ Rá vỹ kãmén tĩ: “Ũn vĩ mẽ tỹ nén ũ to vĩn kỹ tóg ũn mẽg mũ ag kagãg mũ. Ũn vĩ há tỹ nén ũ to vĩn kỹ tóg ũ tỹ ẽg kren han tĩ ri ke nĩ.” — Provérbios 12:18.

 VẼNH KANHRÃN KÃFÓR NĨ

4. Vẽnh ki rĩrm nĩ, ã tỹ ũn mré vĩn kỹ

Kejẽn, ẽg tỹ nén ũ tó kỹ ẽg tỹ ãn to ãkrén tĩ: ‘inh ne tugnĩn nén ũ ẽn tó ke?’ (Tiago 3:2) Galácia 5:22, 23 le kem nĩ. Kar jagnẽ mré vẽmén nĩ, tag to:

• Vẽnh rá tag vỹ ẽg mỹ kãmén tĩ, nén ũ há ag tỹ ẽg ajũna ke tĩ, ẽg tỹ vẽnh vĩ há tugtó jé. Nén ũ tag ag kãmĩ, nén ũ tỹ ne ã tỹ Jeová mỹ to vĩ tĩ, ti tỹ ã ajũna ke jé, ã tỹ nén ũ ẽn han jé? Nén ũ há ag hã ri ken kỹ ã ajũna ke tĩ?

1 Corinto 15:33 le kem nĩ. Kar jagnẽ mré vẽmén nĩ, tag to:

• Ẽg mré ke ag kar ẽg vẽnh kanhinnhir ag hã ren kỹ ẽg krĩn han tĩ, ẽg tỹ nén ũ ag to kãmén jé?

Eclesiastes 3:1, 7 le kem nĩ. Kar jagnẽ mré vẽmén nĩ, tag to:

• Hã re kã, ã mã kã nĩ nĩ, ã tỹ kar tó jé?

 5. Ũn ag mỹ vĩ há han nĩ

6. Ã tỹ ã família mré vãmén kỹ, ag mỹ ã to há ven nĩ

 Ã NE KANHRÃN JA TI

Ẽg tỹ nén ũ to kãmén kỹ, kejẽn, ẽg tỹ ũn tar han tĩ, ke tũ nĩn kỹ ẽg tỹ ũn mỹ kórég han tĩ. Kỹ, ẽg tỹ to jykrén há ke nỹtĩ, ẽg ne tugtónh ke mũ ti, ẽg hã ren kỹ tugtónh ke mũ ti kar ẽg hã re kã tugtónh ke mũ ti.

Jykrinkrén mũ

• Ã ne han ke nĩ, ã tỹ jagnẽ mré vĩn kỹ, ã tỹ ũn ag ajũna ke jé?

• Ã tỹ nén ũ ag tỹ ne tugtó ke tũ nĩ?

• Ne nỹ ẽg ajũna ke tĩ, ẽg tỹ tỹ ũn há nỹtĩ jé kar ẽg tỹ jagnẽ mré vĩn kỹ, ẽg tỹ ũn ag tigtar han jé?