Kutuba Mingi: Kuyindula ve nde nge fwete tendula mambu yonso. Yezu vandaka kusadila bangiufula sambu na kusadisa bantu na kuyindula mpi kubakisa mambu mbote. (Mat 17:24-27) Bangiufula ke salaka nde kulonguka kusalama mbote mpi yo ke sadisaka na kuzaba mambu yina longoki ke bakisa mpi ke kwikila. (be 253 § 3-4) Kana nge me yula ngiufula, vanda ntima madidi mpi vingila mvutu. Kana longoki kupesa mvutu ya mbi, na kisika ya kusonga yandi mvutu ya mbote, yula bangiufula ya nkaka sambu na kusadisa yandi na kubakisa mambu mbote. (be 237 § 5-238 § 1) Tuba na mutindu yina ke sadisa longoki na kubakisa bangindu ya mpa.—be 230 § 4.

Kukumisa Malongi Ngolo Mingi: Buya kubwa na mpukumuna ya kutubila mambu yonso ya nge me zaba na diambu yina. (Yoa 16:12) Tula dikebi na bangindu ya mfunu ya paragrafe. (be 226 § 4-227 § 1) Mambu ya fioti-fioti, ata yina ta sepedisa muntu yango, lenda fika bangindu ya mfunu. (be 235 § 3) Kana longoki me bakisa ngindu ya mfunu, luta na paragrafe ya me landa.

Kumanisa Nswalu: Ntangu beto ke longuka, lukanu na beto ke vandaka ya kusimba ntima ya bantu, kansi ve ya kumanisa nswalu. (Luk 24:32) Tula dikebi na baverse ya mfunu ya kele na disolo sambu nge sadila ngolo ya Ndinga ya Nzambi. (2Bk 10:4; Ebr 4:12; be 144 § 1-3) Sadila bambandu ya kukonda mindondo. (be 245 § 2-4) Tadila mambu ya mpasi yina longoki ke kutana ti yo mpi balukwikilu na yandi, mpi wakanisa dilongi ti luzingu na yandi. Yula yandi bangiufula bonso yai: “Inki mutindu nge ke tadila mambu ya beto ke longuka awa?” “Yo ke longa beto nki sambu na Yehowa?” “Inki mambote nge lenda baka kana nge sadila bandongisila yai?”—be 238 § 2-4; 259 § 2.