Pâpia txeu: Bu ka meste splika tudu kuza. Jizus uza perguntas pa djuda pesoas pensa i tra ses própi konkluzon. (Mt 17:24-27) Faze perguntas ta poi studu fika más sábi i ta djuda-u sabe kuzê ki studanti ntende i na kuzê ki el ta kridita. (be p. 253 pars. 3-4) Óras ki bu faze pergunta, spéra respósta ku paxénxa. Si studanti responde mariadu, envês di fla-l kal ki é respósta sértu, faze otus pergunta pa djuda-l txiga konkluzon sértu. (be p. 238 pars. 1-2) Ka bu splika mutu faxi pa studanti pode ntende kes ideia novu. – be p. 230 par. 4.

Konplika studu: Ivita tentason di fla studanti tudu kel ki bu sabe sobri kel asuntu ki nhos sta ta studa. (Jo 16:12) Konsentra na kes pontu más inportanti di parágrafu. (be p. 226 pars. 4-5) Fla kuzas tintin pa tintin pode ka dexa studanti ntende kes pontu prinsipal. (be p. 235 par. 3) Basta studanti dja ntende pontu prinsipal, pasa pa otu parágrafu.

Faze studu sô pa pasa informason ki sta na publikason: Nos obijetivu é ka sô da matéria, má nu krê toka korason di studanti. (Lu 24:32) Uza kes testu prinsipal di kada lison, asi bu sta uza puder di Palavra di Deus. (2Co 10:4; He 4:12; be p. 144 pars. 1-3) Uza ilustrasons sinplis. (be p. 245 pars. 2-4) Analiza ki prublémas studanti sta pasa pa el i na kuzê ki el ta kridita pa bu pode uza kel matéria pa djuda-l. Faze perguntas sima kes li: “Kuzê ki bu ta atxa di kuzas ki bu sta ta prende?” “Kuzê ki kel-li ta inxina-nu sobri Jeová?” “Kuzê ki bu ta ganha si bu faze sima sta li?” – be p. 238 pars. 3-5; p. 259 par. 1.