Ethĩwa nĩtũkwenda kwendeesya Yeova, nĩtwaĩlĩte kwĩthukĩĩsya mũndũ ũngĩ wa vata. Atambĩte kũmba Atamu, Yeova nĩwoombĩte kyũmbe kĩ vinya kya kĩveva ĩtunĩ.

Ĩtina wa ĩvinda, Yeova atũmie kyũmbe kĩu kĩsyaĩwe Mbethi-leemu nĩ mwĩĩtu ũteesĩ mũndũũme weetawa Malia. Kana kau keetiwe Yesũ.​—⁠Yoana 6:​38.

E mũndũ kũũ nthĩ, Yesũ nĩwoonanisye ndaĩa sya Ngai kwa wĩanĩu. Aĩ na ĩnee, wendo, na yaĩ laisi kũmũthengeea. Nĩwatavisye angĩ w’o ĩũlũ wa Yeova ateũkĩa.

Atongoi ma ndĩni nĩmamenie Yesũ, nũndũ nĩwavuanisye momanyĩsyo moo ma ũvũngũ na nzĩa syoo nthũku.

Yesũ nĩwavoisye awau na athayũũkya amwe ma akw’ũ.

Atongoi ma ndĩni nĩmathing’ĩĩisye Alomi mamũkũne Yesũ na maimũaa.