Mo Mathĩna Makathela?
Ũsũngĩo waku nĩ . . .
-
ĩĩ?
-
aiee?
-
nĩvatonyeka?
MBIVILIA YAĨTYE ATA
“Ngai akamavangũla methoi onthe methonĩ moo. Kũikethĩwa kĩkw’ũ ĩngĩ, kyeva, kĩmako, kana woo.”—Ũvuany’o 21:3, 4, The Holy Bible in Current Kikamba Language.
ŨNDŨ KŨMANYA ŨU KŨTONYA ŨKŨTETHYA
Kwĩkũĩkĩ ĩthya kana Ngai ti we ũetae mathĩna ala matũkwataa.—Yakovo 1:13.
Kwĩũnenga ũkiakisyo wa kũmanya kana Ngai nĩwĩthĩawa esĩ nesa ũndũ tũkwĩw’a ĩla tũũthĩna.—Nzekalia 2:8.
Kwĩtuma wĩthĩwa na wĩkwatyo kana mathĩna onthe makathela.—Savuli 37:9-11.
NĨTŨTONYA KŨĨKĨĨA ŨNDŨ MBIVILIA YAĨTYE?
Ĩ ĩ, nũndũ wa itumi ta ilĩ:
-
Ngai nũmenete mathĩna naũsili ũte wa katĩ. Kwasũanĩa ũndũ Yeova weew’aa oona andũ make ma ĩvinda ya tene maithĩnw’a. Mbivilia yaĩtye kana ndaatanĩthw’a nĩ ‘ala mamew’ĩthasya woo.’—Asili 2:18, The Bible in Kikamba, 1974.
Ngai ndendeeaw’a o na vanini nĩ andũ ala maũmĩasya angĩ. Kwa ngelekany’o, Mbivilia yaĩtye kana “moko ala metĩkasya nthakame ĩte ĩvĩtyo”nĩ ũthatyo kwake.—Nthimo 6:16, 17.
-
Ngai nũthĩnĩkĩaa kĩla ũmwe witũ. O ũndũ kĩla mũndũ wĩthĩawa esĩ “ũthĩny’o ũ wake na woo wake mwene” now’o o nake Yeova wĩthĩawa awĩsĩ!—2 Mavinda 6:29, 30.
Yeova akatũmĩa Ũsumbĩ wake kũmina mathĩna ma kĩla ũmwe witũ. (Mathayo 6:9, 10) Ũmũnthĩ nũkiakiasya ala mamũmanthaa na ngoo yonthe.—Meko ma Atũmwa 17:27; 2 Akolintho 1:3, 4.
KWASŨANĨA ĨKŨLYO YĨĨ
Nĩkĩ Ngai ũekete mathĩna maendeee?
Mbivilia nĩsũngĩĩte ĩkũlyo yĩu ĩandĩkonĩ ya ALOMI 5:12 na ya 2 VETELO 3:9.
No Wendeewʼe Nĩ Ii
MOMANYĨSYO MA VATA MA MBIVILIA
Nĩkĩ Ngai Ũekete Mathĩna Maendeee?
Andũ aingĩ nĩmekũlasya nĩkĩ nthĩ yusĩe kĩmena na mathĩna. Mbivilia nĩnenganĩte ũsũngĩo mũseo ũtonya kũtũkiakisya.
ĨŨLŨ WITŨ
Nĩkĩ Waĩle Kwĩmanyĩsya Mbivilia?
Mbivilia nĩtumĩte andũ milioni mbingĩ ĩũlũ wa nthĩ makwata mosũngĩo ma makũlyo ala ma vata vyũ thayũnĩ. We nũkwenda kwĩthĩwa ũmwe wa andũ asu?
MOMANYĨSYO MA MBIVILIA
Ambĩĩa Kwĩmanyĩsya Mbivilia Naitũ
Ambĩĩa kwĩmanyĩsya Mbivilia na mwalimũ waku vate ndĩvi.
