Privacy Settings

To provide you with the best possible experience, we use cookies and similar technologies. Some cookies are necessary to make our website work and cannot be refused. You can accept or decline the use of additional cookies, which we use only to improve your experience. None of this data will ever be sold or used for marketing. To learn more, read the Global Policy on Use of Cookies and Similar Technologies. You can customize your settings at any time by going to Privacy Settings.

Kwʼoko kwa aka: Syĩndũ sya kũtetheesya ana-a-asa ma Germany, ila syatũmĩtwe kuma Switzerland mwaka wa 1946; Kwʼoko kwa aũme: Nyũmba ya Ũsumbĩ ĩendeee kwakwa ĩngĩ nthĩ ya Japan ĩtina wa tsunami, mwaka wa 2011

ĨSOMO 6

Kũkwata Mbau Ũsumbĩ—kwaka Nyũmba Sya Ũthaithi Na Kũnengane Ũtethyo

Kũkwata Mbau Ũsumbĩ—kwaka Nyũmba Sya Ũthaithi Na Kũnengane Ũtethyo

KWASŨANĨA ũendete nyũmbanĩ yenyu ya Ũsumbĩ na ũyĩthĩa vandũ vau ti ta vala ũtwĩe wĩsĩ. Nĩwĩthĩĩtwe ũitanĩa mũno nyũmba ĩsu. O na nĩvatonyeka ũkethĩwa ũililikana ũndũ watanĩie kũtetheesya kũmyaka ĩvinda ĩna ĩvĩtu. Ĩndĩ yu nũtonya kwĩthĩwa wĩ na ũtanu mwingĩ nũndũ nyũmba ĩsu yĩthĩĩtwe ĩitũmĩwa kwondũ wa mĩvango ya kũnengane ũtethyo, o na kau no kwa kavinda kanini. Ĩtina wa mbua mbingĩ na kĩuutani kwananga kĩsio kyenyu, Kamitii ya Ovisi wa Ũvonge nĩyĩkĩte mĩvango vate kweteela nĩ kana ala makwatĩtwe nĩ mũisyo ũsu matonye kũnengwa lĩu, ngũa, kĩwʼũ kĩtheu, na ũtethyo wa mũthemba ũngĩ. Syĩndũ ila syumĩtwʼe ivangĩtwe nesa Nyũmbanĩ ya Ũsumbĩ. Namo ana-a-asa na eĩtu-a-asa nĩmaendeee na kũka, na kũnengwa syĩndũ ila me na vata nasyo, o na aingĩ nĩmeoneka mayĩvangũla methoi ma ũtanu.

Yesũ aisye kana aatĩĩi make maĩ mamanyĩke kwa kwĩthĩwa na wendo katĩ woo. (Yoa. 13:34, 35) Nthĩnĩ wa ĩsomo yĩĩ, nĩtũkwona ũndũ wendo wa Kĩklĩsto wĩthĩĩtwe ũyonanwʼa kwĩsĩla mĩvango ya myako na kũnengane ũtethyo, ĩla ĩtwaĩĩawʼa nĩ Ngũsĩ sya Yeova. Wendo ũsu wĩĩkĩĩthya nesa vyũ kana Yesũ nĩwe Mũsumbĩ witũ.