TIMEƔRI 13
Timutawus iḥemmel ad iɛiwen lɛibad
Timutawus yella d ilemẓi i geţḥibbin ad iɛiwen medden. Iṛuḥ ɣer waṭas n imukan akken ad iɛiwen wiyaḍ. Yesɛa tamɛict yessefṛaḥen. Tebɣiḍ a t-tissineḍ akteṛ?—
Yemma-s akk-d jida-s n Timutawus llant heddṛent-as ɣef Yahwa.
Timutawus yezdeɣ deg yiwet n temdint isem-is Listra. Asmi i gella d amecṭuḥ, jida-s Luwisa akk-d yemma-s Anika bdant heddṛent-as ɣef Yahwa. Simmal yeţţimɣur, simmal ibeqqu ad iɛiwen medden ad issinen Yahwa.
Timutawus mazal-it d ilemẓi asmi i s-iḍleb Bulus ad yeddu yid-es bac ad berrḥen di tmura nniḍen. Timutawus yeqbel, yenna-yas: “Ad dduɣ!” Yebɣa seg wul-is ad iṛuḥ ad iɛiwen medden.
Ihi, Timutawus yedda akk-d Bulus ɣer yiwet n temdint n Makdunya i geţţusemman Tisaluniki. Ilaq-asen ad lḥun aṭas ɣef uḍar, mbeɛd ad rekben di lbabuṛ. Asmi i wwḍen, ɛawnen xilla n lɣaci ad issinen Yahwa. Lameɛna, kra n lɛibad zeɛfen dɣa bɣan a ten-ḥeqren. Ɣef wannect-a, Bulus akk-d Timutawus bessif fell-asen ad ṛuḥen ad berrḥen anda nniḍen.
Timutawus yesɛedda tamɛict yessefṛaḥen.
Kra n lechuṛ umbeɛd, Bulus iḍleb i Timutawus ad yuɣal ɣer Tisaluniki bac ad iẓer amek i llan watmaten. Ur ilaq ara ad yili d win yeţţagaden ma yebɣa ad yuɣal ɣer temdint-agi iweɛṛen! Timutawus iṛuḥ axaṭer yeţxemmim ɣef watmaten yellan dinna. Mbeɛd, yuɣal-ed ɣer Bulus, yewwi-yas-d lexbaṛat yessefṛaḥen. Yenna-yas belli atmaten n Tisaluniki bxiṛ i llan!
Timutawus iberreḥ akk-d Bulus xilla n iseggasen. Yiwen wass, Bulus yekteb imeslayen-agi: “Timutawus, d neţţa kan i zemreɣ ad ceggɛeɣ bac ad iɛiwen tijemmuyaɛ.” Timutawus iḥemmel Yahwa yerna iḥemmel lɛibad.
I kečč, tḥemmleḍ lɛibad? Tebɣiḍ a ten-tɛiwneḍ ad issinen Yahwa?— Ma teţxemmimeḍ akka, aţ-ţesɛuḍ tamɛict yessefṛaḥen am Timutawus!
