TIMEƔRI TIS 55
Ţɛawan tajmaɛt-ik
Di ddunit meṛṛa, d imelyunen n lɛibad i geţţeɛbaden Yahwa s lfeṛḥ, di luluf n tjemmuyaɛ. Seg wakken feṛḥen s uselmed akk-d lewṣayat i sen-d-yeţţunefkayen, ţɛawanen seg wul tijemmuyaɛ-nsen. I kečč, s wayagi i teţḥussuḍ di tejmaɛt-ik?
1. Amek i tzemreḍ a d-tefkeḍ si lweqt-ik akk-d tezmert-ik i tejmaɛt-ik?
Di tejmaɛt, mkul yiwen yesɛa d acu i gezmer a t-yexdem. Ma llan di tejmaɛt-ik watmaten ţ-ţyessetmatin meqqren di leɛmeṛ neɣ d iɛibanen, tzemreḍ ahat a ten-tɛiwneḍ bac ad ḥeddṛen i inejmuɛen. Tzemreḍ daɣen a ten-tɛiwneḍ akken nniḍen, ɣef lemtel a sen-d-teqḍuḍ, neɣ a sen-txedmeḍ lecɣal n wexxam (ɣer-ed Yeɛqub 1:27). Nezmer daɣen a nɛiwen deg usizdeg neɣ deg ureqqeɛ n Tzeqqa n Tgelda. Ulac win ara ɣ-iḥettmen a nɛiwen. Neţɛawan “seg wul” axaṭer nḥemmel Ṛebbi yerna nḥemmel atmaten-nneɣ (Ahellil 110:3).
Wid yeţwaɣeḍṣen zemren daɣen ad ɛiwnen akken nniḍen. Atmaten yessexdamen di temɛict-nsen ayen i d-yecreḍ Wedlis Iqedsen zemren ad uɣalen d iqeddacen imɛawnen, mbeɛd ɣer zdat zemren ad uɣalen d lecyux. Am watmaten, am tyessetmatin zemren ad uɣalen d inaramen w’ad sɛeddayen aṭas n lweqt di leqdic n uberreḥ. Kra n watmaten ţ-ţyessetmatin ţɛawanen daɣen di lebni n imukan n leɛbada, neɣ ţṛuḥun ad zedɣen anda i ḥwaǧent tjemmuyaɛ lemɛawna.
2. Amek i tzemreḍ aţ-ţɛiwneḍ tajmaɛt s cci-inek?
Adlis Iqedsen yeṭṭalab-aɣ-d ‘a nɛuzz Yahwa s lxiṛat-nneɣ’ (Lemtul 3:9). S lfeṛḥ i neţmuddu seg yedrimen-nneɣ akk-d wayen nniḍen bac a nɛiwen tajmaɛt-nneɣ neɣ leqdic n uberreḥ i d-yeţţilin di ddunit meṛṛa (ɣer-ed 2 Ikurintiyen 9:7). Tukciwin-nneɣ ṣelḥent daɣen i leqdic n usellek. Aṭas n Inagan n Yahwa ‘i d-iɛezzlen’ kra bac a t-fken ţ-ţukci (ɣer-ed 1 Ikurintiyen 16:2). Ţţaken tukciwin-agi deg wesmel yeţţusemman donate.jw.org neɣ di tsendyaq n tukciwin yellan deg imukan-nneɣ n leɛbada. S tukciwin-agi, nebɣa a s-d-nbeggen i Yahwa belli nḥemmel-it.
A NNADI A NEFHEM AKTEṚ
A d-nehdeṛ akteṛ ɣef wamek i nezmer a nɛiwen tajmaɛt.
3. Nezmer a nɛiwen s cci-nneɣ
Yahwa akk-d Ɛisa ţḥibbin win yeţɛawanen s lfeṛḥ s cci-ines. Ɣef lemtel, Ɛisa icekkeṛ yiwet n taǧǧalt axaṭer, xas akken cwiṭ kan n yedrimen i tesɛa, tmudd tukci i Yahwa. Ɣret-ed Luqa 21:1-4, mbeɛd hedṛet ɣef yesteqsiyen-agi:
-
Eɛni ilaq a nefk aṭas n yedrimen bac a s-neɛǧeb i Yahwa?
-
S wacu i geţḥussu Yahwa akk-d Ɛisa m’ara neţţak tukciwin seg wul?
Iwakken aţ-ţeẓrem amek i nessexdam tukciwin-nneɣ, walit BIDYU-YAGI. Mbeɛd, hedṛet ɣef westeqsi i d-iţeddun.
-
Amek i sfaydayent tjemmuyaɛ n ddunit meṛṛa si tukciwin-nneɣ?
4. Nezmer a d-nefk afus n lemɛawna
Zik-nni, iqeddacen n Yahwa ur ţţaken ara kan idrimen i lmend n imukan-nsen n leɛbada, xeddmen daɣen lmeǧhudat d imeqranen bac ad ṣeggmen w’ad reqqɛen imukan-agi. Ɣret-ed 2 Amezruy 34:9-11, mbeɛd hedṛet ɣef westeqsi-yagi:
-
Amek i gcurek yal yiwen seg wat Isṛayil asmi i reqqɛen Lemqam (Lǧameɛ iqedsen)?
Bac aţ-ţeẓrem amek i d-ţţelhayen akken ilaq Inagan n Yahwa ţ-ţzeɣwa n Tgelda, walit BIDYU-YAGI. Mbeɛd, hedṛet ɣef yesteqsiyen i d-iţeddun.
-
Ayɣer i glaq aţ-ţili Tzeqqa-nneɣ n Tgelda daymen zeddiget yerna tṣeggem?
-
Amek i tzemreḍ a d-tefkeḍ afus n lemɛawna?
5. Atmaten zemren ad qedcen ɣef tejmaɛt
Adlis Iqedsen yeţweṣṣi atmaten ad qedcen ɣef tejmaɛt. Walit BIDYU-YAGI, mbeɛd hedṛet ɣef westeqsi i d-iţeddun.
-
Amek i gessaweḍ gma-tneɣ ad yeqdec akteṛ ɣef tejmaɛt?
Ɛlaḥsab n Wedlis Iqedsen, iwakken ad uɣalen watmaten d iqeddacen imɛawnen neɣ d lecyux, laqen ccuruṭ. Ɣret-ed 1 Timutawus 3:1-13, mbeɛd hedṛet ɣef yesteqsiyen-agi:
MA YELLA WIN I K-ID-YESTEQSAN: “Di ddin-nwen, ansi i wen-d-tekken yedrimen?”
-
D acu ara s-tǧawbeḍ?
AYEN I D-NELMED
Yahwa ifeṛṛeḥ m’ara ɣ-d-yeţwali neţmuddu si lweqt-nneɣ, si tezmert-nneɣ akk-d yedrimen-nneɣ iwakken a nɛiwen tajmaɛt.
A d-nesmekti
-
Amek i nezmer a d-nefk si lweqt-nneɣ akk-d tezmert-nneɣ bac a neqdec ɣef tejmaɛt?
-
Amek i nezmer a nɛiwen tajmaɛt s cci-nneɣ?
-
Amek i tebɣiḍ a d-tefkeḍ afus n lemɛawna i tejmaɛt?
TZEMREḌ AŢ-ŢWALIḌ DAƔEN
Eɛni mazal ar ass-a yeṭṭalab-aɣ-d Ṛebbi a neţţak leɛcuṛ?
Adlis Iqedsen iwekkel irgazen yeţwaɣeḍṣen ɣef kra n lecɣal. I tlawin yeţwaɣeḍṣen zemrent ad xedment lecɣal-agi
Le principe de l’autorité dans l’assemblée (La Tour de Garde, février 2021)
Lmeǧhudat imeqranen i xeddmen kra n Inagan n Yahwa akken ad ssiwḍen tizmamin i watmaten ţ-ţyessetmatin-nsen.
Ferrqen tizmamin ireṣṣan ɣef Wedlis Iqedsen di tmurt n Kungu (4:25)
Wali amek i gemxallaf ɣef ddyanat nniḍen wansi i d-itekk umeṣruf i nessexdam di ddin-nneɣ.
“Ansi i d-itekk umeṣruf i leqdic n Inagan n Yahwa?” (di jw.org)
Tzemreḍ aţ-ţwaliḍ daɣen…
ISTEQSIYEN I D-IŢŢUƔALEN DIMA
Amek i sɣarayen Inagan n Yahwa Adlis Iqedsen?
M’ara teɣreḍ baṭel Adlis Iqedsen akk-d Inagan n Yahwa, tzemreḍ aţ-ţessexdmeḍ adlis-ik iqedsen w’a d-tɛerḍeḍ iɛeggalen n twacult-ik neɣ leḥbab-ik.
