Ɛisa yenna-d belli inelmaden-is “mačči n ddunit” (Yuḥenna 15:19). Lmeɛna-s, ur ssekcamen ara iman-nsen di lbulitik (tsertit) akk-d lgirrat. Acu kan, neẓra belli ayagi ur yeshil ara dima. Kra zemren ad kkaten deg-neɣ neɣ ad ţmesxiṛen fell-aneɣ. Amek ara nexdem akken ur nessekcam ara iman-nneɣ di lbulitik akk-d lgirrat, yerna a neqqim d unṣiḥen i Yahwa?

1. Amek i ţwalin imasiḥiyen n ṣṣeḥ lḥukumat?

Inagan n Yahwa ţqadaren lḥukumat. Ɛisa yenna-d: “Ayen yellan n Qayṣer, rret-eţ i Qayṣer”. Lmeɛna-s, ilaq-as i umasiḥi ad yeţqadar leqwanen n tmurt, ɣef lemtel ad yeţxelliṣ leɣrama (Marqus 12:17). Adlis Iqedsen yessefhem-ed belli d Yahwa i geǧǧan lḥukumat n yemdanen ad ilint (Iṛumaniyen 13:1). Ihi, lḥukumat-agi yugar-itent Ṛebbi di tezmert. Neţkel ɣef Ṛebbi akk-d Tgelda-s n igenwan ad frun iɣeblan n lɛibad meṛṛa.

2. Amek ara d-ibeggen umasiḥi belli ur yessekcam ara iman-is di lbulitik akk-d lgirrat?

Inagan n Yahwa ur ssekcamen ara iman-nsen di lbulitik. Ttabaɛen lemtel i d-yeǧǧa Ɛisa. Yiwen wass, mi t-walan lɣaci yexdem lmuɛǧiza, bɣan a t-rren d lḥakem, lameɛna yugi (Yuḥenna 6:15). Acuɣer? Ɣer zdat yessefhem-ed, yenna-d: “Tagelda-w mačči si ddunit agi” (Yuḥenna 18:36). Ass-a, aṭas n leḥwayeǧ swayes i gezmer a d-ibeggen umasiḥi belli ur yessekcam ara iman-is di ddunit. Ɣef lemtel, ur yeggar ara iman-is di lgirrat (ɣer-ed Mixa 4:3). Yeţqadar leɛlam akk-d leḥwayeǧ nniḍen i d-yeţmettilen tamurt, lameɛna ur yeţţeɛbad ara leḥwayeǧ-agi (1 Yuḥenna 5:21). M’ara d-yeḥdeṛ lbuṭ, ur iţeddu d ḥedd, yerna ur yeţţaṭṭaf la si lǧiha la si tayeḍ. S leḥwayeǧ-agi meṛṛa akk-d tiyaḍ, yeţbeggin-ed belli yeṭṭef deg yiwet kan n lḥukuma, yeɛni Tagelda n Ṛebbi.

 A NNADI A NEFHEM AKTEṚ

3. Imasiḥiyen n ṣṣeḥ ur ssekcamen ara iman-nsen di lbulitik akk-d lgirrat

Ɛisa akk-d inelmaden-is imezwura ǧǧan-aɣ-d lemtel ara netbeɛ. Ɣret-ed Iṛumaniyen 13:1, 5-7 akk-d 1 Buṭrus 2:13, 14. Mbeɛd, walit BIDYU-YAGI thedṛem ɣef yesteqsiyen i d-iţeddun.

BIDYU: Imasiḥiyen n ṣṣeḥ ur ssekcamen ara iman-nsen di lbulitik akk-d lgirrat (aḥric 1) (4:28)

• Ayɣer i glaq a neţqadar lḥukumat?

• Amek i nezmer a d-nbeggen belli neţḍuɛ lḥukumat-agi?

M’ara tekker lgirra ger snat n tmura, zemrent a d-inint kra n tmura nniḍen belli ur ddint ula d yiwet seg-sent. Meɛna di tin n ṣṣeḥ, ţɛawanent timura-yagi i snat. Amek ara d-ibeggen s ṣṣeḥ walbeɛḍ belli ur yeddi la si lǧiha la si tayeḍ? Ɣret-ed Yuḥenna 17:16. Mbeɛd, walit BIDYU-YAGI thedṛem ɣef westeqsi i d-iţeddun.

BIDYU: Imasiḥiyen n ṣṣeḥ ur ssekcamen ara iman-nsen di lbulitik akk-d lgirrat (aḥric 2) (3:11)

• Acu i d lmeɛna-s ur nessekcam ara iman-nneɣ di lbulitik akk-d lgirrat?

D acu ara nexdem lukan a ɣ-tḥettem lḥukuma a nexdem lḥaǧa i gxulfen leqwanen n Ṛebbi? Ɣret-ed Lecɣal 5:28, 29. Mbeɛd, walit BIDYU-YAGI thedṛem ɣef yesteqsiyen i d-iţeddun.

BIDYU: Imasiḥiyen n ṣṣeḥ ur ssekcamen ara iman-nsen di lbulitik akk-d lgirrat (aḥric 3) (1:18)

• Lukan a ɣ-d-teḍleb lḥukuma lḥaǧa i gxulfen lqanun n Ṛebbi, i menhu ara naɣ awal?

• Acu-tent liḥalat ideg ur yezmir ara umasiḥi ad yaɣ awal i lḥukumat?

 4. Ur nessekcam ara iman-nneɣ di lbulitik akk-d lgirrat, la s ixemmimen la s lefɛayel

Ɣret-ed 1 Yuḥenna 5:21. Mbeɛd, walit BIDYU-YAGI thedṛem ɣef yesteqsiyen i d-iţeddun.

BIDYU: Ayɣer i ḥwaǧen imasiḥiyen n ṣṣeḥ ẓẓwara bac ad xḍun i lecɣal n ddunit? (2:49)

• Ayɣer ur yeqbil ara gma-tneɣ Ayenge ad yekcem ɣer ubaṛti yerna ad iţekki di leɛyudat n tmurt-is?

• Ɛlaḥsab-ik, d leqrar yelhan i geṭṭef?

Anti liḥalat nniḍen ideg i gewɛeṛ ahat a neqqim ur nessekcam ara iman-nneɣ di lbulitik akk-d lgirrat? Walit BIDYU-YAGI, mbeɛd hedṛet ɣef yesteqsiyen i d-iţeddun.

BIDYU: A d-nesfaydi si Lbeṛǧ n Tɛessast: Ur nessekcam ara iman-nneɣ di lumuṛ n ddunit-agi yerwin (5:16)

• Amek ara d-nbeggen belli ur neddi ara d kra n tmurt m’ara d-tili temzizzelt n waddal, ɣef lemtel ddabex n uḍar?

• Amek ara nexdem akken ur nessekcam ara iman-nneɣ di lecɣal n lḥukuma, ama nefɛen-aɣ leqrarat ara teṭṭef ama ur ɣ-nfiɛen ara?

• Ayen umi i nsell di lexbaṛat d wayen i d-qqaren medden ɣef lbulitik d lgirrat yezmer a d-yeǧǧ lateṛ deg-neɣ. Amek?

 AYEN I D-NELMED

Ilaq-as i umasiḥi ad iḥader mliḥ iwakken ur yessekcam ara iman-is di lbulitik, ama s ixemmimen, ama s lehduṛ, ama s lefɛayel.

A d-nesmekti

• Amek i glaq aţ-ţili tikli-nneɣ zdat n lḥukumat?

• Ayɣer ur s-ilaq ara i umasiḥi ad yessekcam iman-is di lbulitik?

• Deg wanti liḥalat i gezmer a ɣ-yiwɛiṛ ur nessekcam ara iman-nneɣ di lbulitik akk-d lgirrat?

TZEMREḌ AŢ-ŢWALIḌ DAƔEN

Ayen i gsebbel yiwen umasiḥi akken ur yessekcam ara iman-is di lbulitik.

D lmuḥal yesneɣni-yaɣ Yahwa (3:14)

Amek i zemrent twaculin ad heggint iman-nsent akken ad qablent kra n liḥalat iweɛṛen?

A neţheggi iman-nneɣ bac ur nessekcam ara iman-nneɣ di lbulitik m’ara ɣ-d-yaf lḥal ger lɣaci (4:25)

Taqsiṭ n yiwen wergaz i gɣilen belli d ccan ameqran i s-yeţţunefken ma yeţdafaɛ ɣef tmurt-is.

‘Ulac ayen yellan d lmuḥal ɣer Ṛebbi’ (5:19)

Amek ara d-nbeggen belli nekni “mačči n ddunit” di lumuṛ icudden ɣer lxedma-nneɣ?

Chacun portera sa propre charge (La Tour de Garde, 15 mars 2006)