1-2. Apa salah siji hal sing dianggep Yéhuwah penting, lan Yéhuwah pénginé awaké dhéwé piyé?

 CARANÉ awaké dhéwé memperlakukan wong liya kuwi hal sing penting banget kanggo Yéhuwah. Yésus ngomong nèk awaké dhéwé kudu sayang karo wong liya kaya sayang karo diri sendiri. (Mat. 22:​37-39) Kuwi termasuk kudu apikan bahkan karo wong-wong sing ora nglayani Yéhuwah. Nèk apikan, berarti sakjané niru Yéhuwah, sing ”nggawé matahari terbit kanggo wong sing jahat lan wong sing apik lan nggawé udan kanggo wong sing bener lan wong sing ora bener”.—Mat. 5:45.

² Meskipun Yéhuwah sayang karo kabèh wong, sing terutama Dhèwèké sayangi kuwi wong-wong sing manut préntahé. (Yoh. 14:21) Yéhuwah ya péngin awaké dhéwé ya kaya ngono. Dadi, awaké dhéwé dikon bèn ”sayang banget” karo para sedulur. Kuwi berarti menyayangi meréka kaya menyayangi keluarga utawa kanca akrab.—1 Ptr. 4:8; Rm. 12:10.

3. Rasa sayang isa dipadhakké kaya apa, lan ngapa?

³ Kaya tanduran sing kudu dirawat bèn isa terus bertumbuh, rasa sayangé awaké dhéwé karo para sedulur ya kudu terus diupayakké. Rasul Paulus ngomong, ”Kowé kudu terus nresnani sedulur liyané.” (Ibr. 13:1) Yéhuwah péngin awaké dhéwé terus menyayangi para sedulur. Ing artikel iki bakal dibahas ngapa kok kudu terus nyedhak  karo para sedulur lan piyé carané bèn isa terus melakukan kuwi.

NGAPA KOK KUDU TERUS NYEDHAK KARO PARA SEDULUR?

4. Menurut Mazmur 133:​1, isa akrab lan bersatu karo para sedulur kuwi apik banget. Piyé bèn isa terus menghargai kuwi? (Deloken gambar.)

⁴ Kaya sing disebutké ing Mazmur 133:1 (Wacanen.) isa akrab lan bersatu karo wong-wong sing sayang Yéhuwah kuwi ”apik banget” lan ”nyenengké tenan”. Tapi suwé-suwé kuwi isa dianggep hal sing biasa merga kerep ketemu, mungkin beberapa kali seminggu. Kuwi isa dipadhakké kaya nèk ndelok siji wit sing sakjané luar biasa gedhéné, tapi merga saben dina ndelok kuwi, akhiré dadi ora kétok luar biasa. Nah, piyé bèn isa terus menghargai para sedulur? Bèn isa terus sayang karo meréka, kudu ngrenungké sepira berhargané meréka kanggo awaké dhéwé lan para sedulur liyané.

5. Apa hasilé nèk awaké dhéwé terus saling menyayangi?

⁵ Beberapa wong sing lagi pertama kali teka ing pertemuan ibadah terkesan merga ndelok para sedulur saling menyayangi. Hal kuwi thok waé biasané wis marakké meréka yakin nèk Seksi Yéhuwah bener-bener muridé Yésus. Yésus tau ngomong, ”Nèk saben wong ing antaramu padha-padha nresnani, kabèh wong bakal ngerti nèk kowé kuwi murid-muridku.” (Yoh. 13:35) Gatèkna pengalamané Chaithra, wong wédok sing belajar Alkitab karo Seksi-Seksi Yéhuwah. Dhèwèké diundang teka ing pertemuan  gabungan wilayah. Sakwisé teka dina pertama, dhèwèké ngomong karo guru Alkitabé, ”Selama iki aku ora tau dipeluk karo wong tuwaku. Tapi dina iki waé, aku wis dipeluk ping 52 karo kalian. Aku isa ngrasakké kasih sayangé Yéhuwah liwat kalian. Aku ya péngin dadi bagian saka keluarga iki.” Chaithra akhiré dibaptis taun 2024. Dadi, nèk terus apikan lan saling menyayangi, kuwi isa marakké wong liya dadi péngin mèlu nglayani Yéhuwah.—Mat. 5:16.

6. Apa manfaat liyané nèk cedhak karo para sedulur?

⁶ Yéhuwah ya isa nglindhungi awaké dhéwé liwat para sedulur. Maksudé piyé? Paulus tau ngomong, ’Kowé kudu terus nguwatké liyané saben dina bèn ing antaramu ora ana sing ndableg merga dosa sing nggawé wong-wong kapusan.’ (Ibr. 3:13) Kadhang merga cilik ati utawa akèh masalah, awaké dhéwé dadi ngedoh saka Yéhuwah lan mulai melakukan hal-hal sing ora bener. Nah, Yéhuwah isa ngélikké liwat para sedulur. (Mzm. 73:​2, 17, 23) Bantuan kaya ngono kuwi bermanfaat banget kanggo awaké dhéwé.

7. Ngapa kok nèk saling menyayangi isa marakké bersatu? (Kolose 3:​13, 14)

⁷ Awaké dhéwé saiki dadi bagian saka wong-wong sing padha berupaya tenanan kanggo saling menyayangi, lan hasilé dadi ngrasakké akèh berkah. (1 Yoh. 4:11) Merga saling menyayangi, awaké dhéwé dadi isa ”terus sabar” lan kuwi sing marakké terus bersatu. (Wacanen Kolose 3:​13, 14; Éf. 4:​2-6) Makané, pas teka ing pertemuan ibadah, awaké dhéwé isa ngrasakké suasana sing nyenengké banget sing ora isa dirasakké kelompok liyané.

NDUDUHKÉ NÈK NGAJÈNI PARA SEDULUR

8. Apa sing dilakukan Yéhuwah bèn umaté terus bersatu?

⁸ Sing isa marakké umaté Yéhuwah sak donya bersatu meskipun wong-wongé durung sempurna kuwi ya mung Yéhuwah. (1 Kor. 12:​24, 25) Ing Alkitab disebutké nèk umaté ”diwulang Gusti Allah bèn nresnani liyané”. (1 Tés. 4:9) Kuwi berarti liwat Alkitab, Yéhuwah njelaské apa sing kudu dilakukan bèn isa terus cedhak karo para sedulur. Nèk ngrenungké lan ngetrapké ajarané, kuwi berarti awaké dhéwé lagi ”diwulang Gusti Allah”. (Ibr. 4:12; Yak. 1:25) Kuwi sing diupayakké tenanan karo Seksi-Seksi Yéhuwah.

9. Soal ngajèni para sedulur, apa sing disebutké ing Roma 12:​9-13?

⁹ Bèn isa terus cedhak karo para sedulur, menurut Alkitab kudu piyé? Ayo nggatekké omongané Rasul Paulus ing Roma 12:​9-13. (Wacanen.) Gatèkna nèk dhèwèké ngomong, ”Kowé kudu luwih dhisik ngajèni liyané”. Maksudé apa? Kuwi berarti kudu nduwé inisiatif kanggo menyayangi para sedulur. Cara nduduhkéné kuwi misalé kudu seneng ngampuni, apikan, lan murah hati. (Éf. 4:32) Ora perlu ngentèni wong liya sik sing melakukan kuwi. Njenengan isa ”luwih dhisik” melakukan kuwi. Hasilé, njenengan bakal ngrasakké sing diomongké Yésus, ”Mènèhi kuwi luwih bahagia timbang diwènèhi”.—Kis. 20:35.

10. Soal ”ngajèni” para sedulur, piyé nduduhké nèk awaké dhéwé rajin? (Deloken gambar.)

¹⁰ Sakliyané kuwi, ing ayat mau Paulus ya ngomong, ”Kowé kudu rajin. Aja males-malesan”. Wong sing rajin mesthi bakal semangat lan seneng kerja keras. Wektu dikèki tugas, dhèwèké bakal tenanan  ngrampungké tugasé. Ing Wulang Bebasan 3:​27, 28 disebutké, ”Nèk kowé sanggup nulungi, aja nganti kowé ora gelem mbantu wong sing mbutuhké.” Dadi, nèk ngerti ana sing butuh bantuan, ya ndang cepet-cepet mbantu sak isa-isané. Aja nunda-nunda utawa mikir bèn wong liya waé sing nulungi dhèwèké.—1 Yoh. 3:​17, 18.

11. Apa cara liyané manèh bèn isa terus cedhak karo para sedulur?

¹¹ Seneng ngampuni kuwi ya bukti nèk ngajèni. Ing Éfésus 4:26 disebutké, ”Aja terus-terusan nesu nganti matahari terbenam.” Lha ngapa? Ing ayat 27 disebutké nèk terus-terusan nesu kuwi berarti ”mènèhi Iblis kesempatan”. Ing Alkitab, Yéhuwah ping bola-bali ngomong bèn awaké dhéwé seneng ngampuni. Ing Kolose 3:13 disebutké nèk awaké dhéwé kudu ”terus . . . tulus ngapura liyané”. Seneng ngampuni kuwi salah siji cara terbaik bèn isa terus cedhak karo para sedulur. Nèk seneng ngampuni, berarti awaké dhéwé ”ngupaya tenanan bèn tetep bersatu lan rukun”. (Éf. 4:3) Dadi jelas, bèn umaté Yéhuwah terus rukun lan bersatu, kudu seneng ngampuni.

12. Piyé Yéhuwah mbantu bèn awaké dhéwé isa ngampuni?

¹² Ya mémang nèk wis tersinggung utawa lara ati, kanggo ngampuni kuwi ora gampang. Tapi mesthi isa ngampuni nèk dibantu roh suciné Yéhuwah. Bar nyebutké nèk kudu ’sayang karo wong liya’ lan ”kudu rajin”, Paulus ya nyebutké nèk awaké dhéwé kudu ”nduwé semangat sing gedhé merga roh suci”. Dadi, sing isa marakké awaké dhéwé nduduhké kasih sayang lan tulus ngampuni kuwi merga bantuan roh suciné Yéhuwah. Makané, kudu tenanan njaluk tulung karo Yéhuwah bèn dikèki roh suciné.—Luk. 11:13.

”KOWÉ KABÈH . . . AJA PADU”

13. Apa sing isa waé marakké dadi padu?

¹³ Para sedulur ing jemaat kuwi asalé  saka latar belakang sing béda-béda. (1 Tim. 2:​3, 4) Kuwi sebabé, pilihané saben wong soal pakaian, dandanan, perawatan keséhatan, utawa hiburan isa waé béda-béda. Nèk ora ngati-ati, perbédaan kuwi isa marakké dadi padu. (Rm. 14:4; 1 Kor. 1:10) Tapi merga ”wis diwulang Gusti Allah bèn nresnani liyané”, awaké dhéwé ora bakal nganggep nèk pilihané awaké dhéwé kuwi sing paling apik lan wong liya kudu manut pilihan kuwi.—Flp. 2:3.

14. Apa sing kudu selalu diupayakké, lan ngapa?

¹⁴ Awaké dhéwé ya péngin berupaya bèn para sedulur ing jemaat selalu ngrasa dikuwatké lan disemangati. (1 Tés. 5:11) Akhir-akhir iki, ana akèh wong sing wis suwé ora ngibadah utawa sing ditokké saka jemaat akhiré bali manèh. Awaké dhéwé mesthi péngin nyambut meréka. (2 Kor. 2:8) Ana pengalamané siji sedulur wédok sing wis sepuluh taun ora ngibadah akhiré teka manèh ing Balai Ibadah. Dhèwèké ngomong, ”Kabèh padha senyum lan nyalami aku.” (Kis. 3:19) Meskipun kuwi kétoké hal sing sepélé, apa hasilé? Dhèwèké crita manèh, ”Aku ngrasa nèk Yéhuwah péngin aku bahagia manèh.” Dadi nèk selalu berupaya nguwatké, awaké dhéwé isa dadi saranané Yésus kanggo mbantu wong-wong sing ”kesel lan mikul beban sing abot” bèn ”seger manèh”.—Mat. 11:​28, 29.

15. Apa manèh sing isa diupayakké bèn kabèh isa rukun lan bersatu? (Deloken gambar.)

 ¹⁵ Bèn kabèh isa rukun lan bersatu, ya kudu ngati-ati wektu omongan. Ing Ayub 12:11 disebutké, ”Kuping dienggo nguji kata-kata, kaya ilat dienggo ngrasakké panganan.” Maksudé piyé? Nèk masak, sakdurungé disuguhké, mesthi bakal diicipi sik, ta? Dadi sakdurungé ngomong, ya kudu dipikir tenanan sik apa sing arep diomongké kuwi. (Mzm. 141:3) Kudu selalu mastèkké omongané isa nguwatké, nyemangati, lan ”bèn wong sing ngrungokké isa éntuk manfaat”.—Éf. 4:29.

16. Sapa sing terutama kudu berupaya bèn omongané isa nguwatké?

¹⁶ Para sedulur lanang khususé kudu berupaya bèn omongané isa nguwatké lan nyemangati bojoné lan anak-anaké. (Kol. 3:​19, 21; Tit. 2:4) Para pinituwa ya kudu berupaya bèn omongané isa marakké para sedulur ngrasa dikuwatké lan dihibur. (Yés. 32:​1, 2; Gal. 6:1) Ing Alkitab disebutké, ”Omongan sing diomongké ing wektu sing pas kuwi nyenengké banget.”—WB. 15:23.

NDUDUHKÉ RASA SAYANG LIWAT PERBUATAN SING TULUS

17. Piyé carané bèn rasa sayangé awaké dhéwé karo para sedulur isa tulus saka ati?

¹⁷ Rasul Yohanes ngongkon bèn awaké dhéwé ’ora mung ngomong nèk nresnani wong liya, ning kudu nduduhké kuwi liwat tumindak sing tulus’. (1 Yoh. 3:18) Nah bèn rasa sayangé isa tulus saka ati, kudu piyé? Kudu kerep bergaul karo para sedulur bèn semakin akrab lan semakin sayang. Carané, isa bergaul pas pertemuan ibadah utawa pas nginjil. Terus, ya isa dolan ing omahé para sedulur. Nèk gelem ngupayakké kuwi kabèh, kuwi bukti nèk awaké dhéwé gelem ”diwulang Gusti Allah bèn nresnani liyané”. (1 Tés. 4:9) Terus, awaké dhéwé ya bakal ngrasakké kata-kata ing Mazmur 133:1 yaiku, ”Apik banget lan nyenengké tenan nèk kabèh sedulur padha ngumpul lan bersatu”.